Albistea entzun

EKOGRAFIAK

Urteurrenak

Lander Arretxea -

2022ko maiatzak 18

Gehiago ospatzen ditugu urtebetetzeak emandako pausoak baino. Baita erdietsitako lorpenak baino gehiago ere. Ematen du zer pentsatua: balirudike irautea bera dela txalogarriena. «Bizi ala iraun?», galdetzen zuen Urbizuk. Antzera gertatzen da urteurrenekin ere. Denborak zenbaki borobilak osatzen dituenean erabakitzen dugu hildako bat edo beste omentzea, dena delakoaren edizio berrituak proposatzea edo berritzea gure elkartearen irudia. Ez da ona edo txarra, berez. Halaxe jokatzen dugu.

Aurten 20 urte betetzen ditugu Donostiako Piratok, esaterako; baina badira beste ospakizun aitzakia ugari ere: UEUk 50 egin ditu. Eta EITBk, berriz, 40. Atentzioa ematen badu ere, EITB baino hamar urte zaharragoa da Udako Euskal Unibertsitatea. Ez da deigarria den zera bakarra: bien artean, unibertsitatea —eta ez telebista— izan da urtebetetzea ospatzeko fikziozko saio bat egitea erabaki duena. Bekaduna izenpean, eta Mikel Irazusta aktorea protagonista duela, zeharka UEUren barrunbeak erakusten dituen umorezko websail laburra ondu dute, Bira Produkzioak eta Hiru Damatxo lagun ginela. Neu ere tartean ibili naiz, eta ez naiz lana txalotzeko bezain lotsagabea izango. Baina UEUren jarrera eta saiakera bera bada goraipatzekoa. Berrogeita hamar urte bete dituzte, bai, baina etorkizunera begira jartzeko baliatu dute urteurrena.

Gauza bertsua egin du Nike kirol ekipamendu etxeak. 50. urtea dute aurtengoa, eta, hori haizatzeko, nostalgia boomerrari aurre egiten dion iragarkia aurkeztu dute. Ikusi beharreko guztia ikusi duela dioen Spike Leeri kontra egiten dion neska gazteak azpimarratzen du mezua: iraganekoa baino hoberik ez dagoela usteko duzu, baina oker zaude: dena duzu ikusteko oraindik.

Batetik zein bestetik atera dezake irakaspena EITBk. Bada zoriondu eta ospatzekoa 40 urte egitea. Urteotan milaka euskaldunen erreferentziazko saioak ondu dira irratian zein telebistan. Baina erronka ez da euskaldun horien eduki gosea asetzen jarraitzea (soilik); ezpada lau hamarkada horien azken zatia besterik ezagutu ez dutenekin gauza bera egitea. Eta, horretarako, susmoa dut, ez du orain arteko formula berak balioko. Bada zurikeriak utzi, euskarari zentralitatea eman eta gauzak desberdin egitera ausartzeko garaia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Taldea. Eltziegoko dantzariak, jantzi tradizionalekin. ©BERRIA

Bost dantza ziklo bakarrean

Amaia Ramirez de Okariz Kortabarria

Irailaren 7tik 11ra ospatzen dira Eltziegoko festak, eta irailaren 8an egiten dituzte Ama Birjinaren omenezko dantzak. Bost dantzaz osatutako dantza ziklo oso bat da Eltziegoko dantza. Zortzi dantzarik dantzatu ohi dute, Katximorro pertsonaia lagun dutela.

 ©GOTZON ARANBURU / FOKU

«Furgoneta bidaiariei lana erraztea da helburua»

Ane Insausti Barandiaran

Furgonetan bidaiatzen dutenek sarri «kalitate eskaseko» elikagaiak jaten dituztela uste du Alberdik. Janaria nola garraiatu eta kontserbatu azalduko du, besteak beste, tailer batean.
Erromes bat, Donejakue bidean Donostia eta Orio arteko zatia egiten. ©BERRIA

Erromesak 'Done Euri' bidean

Jakes Goikoetxea

Ez da beste Donejakue bide batzuk bezain ezaguna eta jendetsua, baina erromes askok Kostaldeko bidea aukeratzen dute, paisaiagatik eta eguraldiagatik.
Hainbat ekitaldi egingo dituzte udan Txillida Lekun. ©JON URBE / FOKU

Eguzki izpiak eskulturen artera

Miren Mujika Telleria

Txillida Lekuko udako egitarauak artea, yoga, zinema, musika eta dantza biltzen ditu. Jaialdi handien egoitza ere izango da, hala nola Jazzaldiarena eta Musika Hamabostaldiarena

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...