Albistea entzun

IRLEN SAREA

Kulturaren digitalizazioa

Gorka Julio -

2020ko irailak 19

Kulturaren digitalizazioaren azkartzearekin, kultura kontsumo globalera irekitzen da gehiago. Merkatu horretan, produkzio gaitasunaz gain, bereziki promozio gaitasuna izango dutenengan kontzentratuko da jabetza, beste aldean kontrakultura bat ezartzeko gai ez bagara.

Jarrera kultural ezberdinak sortzea inoiz baino errazagoa da orain. Konspirazioaren teoriaren jarraitzaileek egunero frogatzen digute konplexutasuna sinplifikatu eta beraientzat zentzua duen kontakizun kultural bat sor daitekeela. Internet baliatuz, zure ideiekin bat egingo duen jendea topatuko duzu ziur. Baina, aldi berean, kulturari orokorrean, eta bertako langileei bereziki, eragingo dion uholde homogeneizatzaile bat datorkie gainera.

Digitalizazioaren azkartze horrekin batera, sortzeko baliabideak dituztenek ez ezik, promozionatzeko gaitasuna izango dutenek soilik egingo dute aurrera. Horrek kanalen kontzentrazio bat sortuko du eta, beraz, kapital gehien duten plataformetan zentralizatuko da eskaintza. Horrek epe laburrean AEBen hegemonia kulturala indartuko du, baldin bere gainbeherarekin batera eroriko ez balitz.

Testuinguru honetan, artistek, COVID-19ak bereziki kolpatuak, prekarizatuak, zirkuitu duin gutxirekin alarma gorria piztu behar izan dute; baina ez da nahikoa izango horrekin gurea bezalako kulturetan. Arlo publikotik etorri daitekeen laguntza, etorriko bada, ez da nahikoa izango artista askoren ogibidea sostengatzeko.

Arazoa ez da digitalizazioa, digitalizazioak arazoa azkartu badu ere. Merkatu global horretan egon nahi badugu —beste aukera bat, merkatu horretan ez egotea litzateke—, ez da nahikoa izango Netflix propioak sortzearekin, promozio gaitasun gutxirekin lehiatzen zaila izango baita. Harpidetza ereduak dena hartu du eta, honek lagundu badezake ere, gutxi batzuei bakarrik lagunduko die.

Harpidetza gainditu eta proiektuekin eta kulturaren langileak sostengatzeko gaitasuna izango duten egiturak sortu beharko ditugu. Haien artekoak bai, baina baita erabiltzaile, ikusle, hartzaile, irakurle... garenokin batera. Kulturaren kontsumotik kulturaren sortze partekatua bultzatuko duen kultura propio bat eraiki beharko dugu ezinbestean.

Kultura osasuntsu batek jendarte osasuntsu bat sortzen du; kultura gaixo batek, aldiz, jendarte gaixo bat sortzen duen bezala. Ez dezagun ahaztu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.

 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...