Noiz sortua: 2020-03-21 00:30:00

IRLEN SAREA

E-irakaskuntzaren garaia

Gorka Julio -

2020ko martxoak 21
Moodle da software librean eta euskaraz dugun e-learning plataforma hoberena. Berari esker, munduan milaka eskola, unibertsitatek eta hezkuntza zentrok egiten dute lan. Eztabaida foroak, jarduerak bidaltzeko aukerak, galdetegiak, ebaluazioa eta konpetentziak kudeatzeko aukera... Gure hezkuntza sistemaren oinarrietako bat da; gure datuekin trafikatzen duten enpresa multinazionalekin lehiatzen da.

Horregatik, inoiz baino garrantzitsuagoa da horren alde apustu egitea. Administrazio publikotik, beharrezko azpiegiturak eskalatu behar dituzte dagoen eskarirako. Ikasgaiak prestatzen orduak pasatu dituzten irakasleak ezin ditugu utzi ezinbestekoa duten tresna hori gabe.

Aukera gehiago ere eskaintzen ditu tresnak, eta milaka dira gehitu ahal zaizkion funtzionalitateak. Horien artean bi nabarmendu nahi ditut: BigBlueButton eta Nextcloud integrazioa.

BigBlueButton, euskal komunitateak ahalegin askorekin itzulitako bideokonferentzia tresna bat da. Moodlerekin integratzean, bideokonferentziak egiteko, arbela eta moderazio aukerak eskaintzen ditu, ikasgela birtual baten moduan.

Nextcloud, berriz, hodei propio bat izateko aukera ematen duen sistema bat da. Fitxategiak trukatu, egutegi partekatuak, kontaktuen kudeaketa... Horretaz gain, horrek ere gehigarriak eskaintzen ditu, eta gehitu ahal zaizkio bideokonferentzia gela, fitxategien edizio partekatua egiteko baliabideak, proiektuen kudeaketa eramateko panelak... Moodlerekin integratuz gero, hodei horretan dauden fitxategiak zuzenean gehitu ditzakegu gure ikastaroetara.

Gure irakasleek milaka ordu pasatu dituzte beren ikasgaiak antolatzen, baita beren burua formatzen ere. Beste batzuk orain ari dira, ahalegin handiko auto-ikasketa prozesu batean, ahal dutena egiten. Esperientzia propioagatik dakit zenbat ahalegin eskaini behar izan dioten, adibidez, Irungo Eguzkitza BHIk, Oiartzungo Haurtzaro ikastolak, Trintxerpeko Karmengo Ama IPIak, Hondarribi Talaia BHIko irakasleek... eta beste askok.

Ikasleak eta familiak ere ahalegin bereziak egiten ari dira, beren etxeetako eskola txikietan. Horregatik, administrazioari une honetan baliabide egokiak ematea dagokio. Benetako apustua egiteko ordua da arlo honetan!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 7an eguneratua, 14:00etan. ©BERRIA

Koronabirusaren azken datuak

Berria

Euskal Herrian 12.401 gaixok eman dute positibo koronabirusaren proba eginda. 790 hil dira. COVID-19 gaitza izandako 4.149 pertsonari eman diete alta. Grafikoak, albiste barruan.

Saltoki txikiak itxita Iruñean. ©Iñigo Uriz / Foku

Kontrolak indartuko dituzte Aste Santuan

Berria

Martxoaren 21az geroztik SARS-CoV-2 birusaren kasu berri gutxien atzeman duten eguna izan da atzokoa Euskal Herrian. Testa egin gabe ari dira sendagiria ematen gaitzak jotako osasun langileei.

Urkullu lehendakaria eta Artolazabal sailburua ©Irekia
Etxeko Leihotik: Formol

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna