Noiz sortua: 2020-05-09 00:30:00

IRLEN SAREA

Tele-errealitate berria

Gorka Julio -

2020ko maiatzak 9

Bideokonferentziak eta telelana sozializatu dira, eta horrek eragin handia izan du. Etxeko zaintza, aisia, lana, bizitza... espazio bakar batean egin behar izan dugu. Horrek askorentzat dakartzan arazoez gain, mugarik gabeko telelana eta bideokonferentziek erronka berriak jarri dituzte mahai gainean.

Telelanera ohitzea ez da erraza, askok denbora errekorrean egin behar izan badute ere. Telelanarekin efizienteagoak izaten gara kasu askotan, bilera (ez beharrezko) asko desagertzen dira, baina baita espazio informaletako komunikazio bizkorra ere —hori posta elektronikoko edo Whatsappeko mezu batean bilakatzen da maiz—.

Telelanaren gako nagusia mugak jartzean dago: ordutegi zehatz bat finkatzean; posta elektronikoa etengabe ez irekitzean; distrakzioak, sakelako notifikazioak ondo antolatzean ezinbestekoak —bizitza ez da gelditzen— edota lanari lotutakoak jasotzeko; ahal dela, lan espazio berezitu bat definitzean; asteburuak eta jai egunak errespetatzean; errutina berriak diseinatzean...

Telelanean bizitza pasatu dugunok hori dena badakigu edo bagenekien. Bagenekien, telelangile olatu berriak ere sare efektu bat sortzen duelako. Mugak jarri behar direla ulertzen ez dutenek —edo jarri ezin dituztenek—, presioa sartzen dute guztiongan, eta horrek antsietate kate moduko bat sortzen du. Maiatzaren 1ean e-mailak erantzuten aritu zirenak milaka izango ziren.

Bideokonferentziak ere sozializatu ditugu. Horiekin batera, zenbait pertsonak nekea, zailtasunak, ezin egona... sentitzen dute. Bideokonferentzia bat ez da aurrez aurreko komunikazio arrunt bat. Askorentzat, egoera publikoan hitz egitearen parekoa da. Arreta asko eskatzen du ikusle bezala, eta hizlari bezala zer esan, jendearen erreakzioak interpretatzen saiatzea pantaila lau baten aurrean.

3D (+hitzik gabeko komunikazioa) komunikazio eredu batetik 2D komunikazio plano batera pasatu gara. Ez gaude erosotasun espazio batean; gure etxean gaude, bai, gure gotorleku espazioan, baina sozializaziorako erabiltzen ditugun maskarak jantzi behar ditugu —profesionalarena, lagunarena, maitalearena...—, horrek dakartzan arazoekin. Onar dezagun: harremanak errealitate berrira egokitzea oso zaila da, denborarekin egokitu bagaitezke ere; hori edo intsumiso deklaratu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Koronabirusak adinekoei eragin die batez ere. ©JON URBE / FOKU

Nafarroan eta Araban bikoiztu egin zen heriotza kopurua birusak goia jo zuenean

Garikoitz Goikoetxea

Erregistro Zibiletako datuek azaleratu dute nola eragin duen COVID-19ak heriotzetan: bost astean, espero baino 2.100 gehiago hil ziren, datu ofizialetan 1.400 azaldu arren

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Nafarroako Parlamentuaren ataria. / ©Iñigo Uriz, Foku

Nafarroa datorren astean hirugarren fasean izango dela espero du gobernuak

Joxerra Senar

Santos Indurainen arabera, azken astean 3.500 PCR proba egin dira, eta soilik 60k eman dute positibo. Zuhurtzia eskatu du, «atzera ez egiteko»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna