Albistea entzun

EKOGRAFIAK

Errege jokoak

Amaia Garcia -

2022ko irailak 13

Erresuma Batuko erregina aurreko astean hil zen. Minutu oso gutxian munduari buelta eman zion albisteak. Erresuma Batuko errege-etxeak pausoz pauso bete zuen aspalditik prestatua zegoen protokoloa. Heriotzaren albistea ezagutu baino lehenago, protokolo horren inguruko bideo bat ikusi nuen. Protokolo horretan prest zeuden gauzen artean, asko harritu ninduen jakiteak BBC telebistako estudioan traje beltz bat beti prest izaten zutela albistea emateko. Traje hori non edukiko ote zuten gordea eta nork garbitu eta lisatuko ote zuen pentsatzen hasi nintzen. Horretan ari nintzen bitartean, BBCko estudioan zegoen aurkezlea trajea jartzen arituko zen, denok dakigun albistea emateko.

Elizabeth II.aren heriotzak BBCren eta beste telebista askoren programazioa aldatu du egun hauetan. Charles III.aren koroatzeak ere atentzio handia piztuko du albistegietan, eta hurrengo egunetan Erresuma Batuan egingo diren ekitaldi guztiak zuzenean ikusgai egongo dira edonon. Gertaera historiko horrek aldaketa asko ekar ditzake Erresuma Batura eta Commonwealtheko herrialde guztietara. Pertsonaia horrek telesailetan eta zinean garrantzi handia eduki du. Heriotzaren ondorioz, The Crown telesailaren grabazioa bertan behera geratu da. Lantaldea Bartzelonan zegoen, eta, albistearen berri izan zuenean, Erresuma Batura joan zen. Geldialdi horrek ez du atzerapenik eragingo azaroan iritsiko den bosgarren denboraldian. Erreginaren heriotzak telesail horri beste bultzada bat eman dio. Asteburu honetan, Erresuma Batuko errege-etxearen historia jasotzen duen Netflixeko telesaila ikusienen artean jarri da eta bosgarren denboraldiarentzat promozio aparta izango da.

Monarkiaren inguruko albisteak eta irudiak sinesgaitzak egiten zaizkit. Gaur egun, monarkia bezalako instituzio antidemokratikoak sostengatzea ez dut ulertzen, eta guztiek ipuin bateko pertsonaiak diruditela pentsatzen dut. Fikzioan fantasiazko errege eta erreginak ikustea interesgarri eta entretenigarri iruditzen zait, baina hortik kanpo errepublika aldarrikatzeko grina pizten zait. Hurrengo asteetan, Errege jokoak ikusiko ditugu Erresuma Batuko telebistan. HBOMaxen, berriz, beste errege joko bat dugu estreinatu berri den Salvar al rey telesail-dokumentalean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Eguzki irratia ©Jaoba Manterola / Foku

Eguzki irratiak salatu du lege berriak ez diela lizentziarik bermatzen irrati komunitarioei

Urtzi Urkizu

Hala ere, Iruñeko Eguzki irrati libreak lizentzia eskaera egingo du. Irratiak uste du badaudela nahikoa arrazoi lege berriaz ez fidatzeko.

2020ko deialdian parte hartu zuen Oletzero bat. / ©Andrakatue

«Zarpail edo dotore, gizon edo emakume, sor ditzagun gure Olentzero propioak»

Jon Ordoñez Garmendia

Dantzan.eus atariak dei egin du etxean, eskolan, lantokian edo ikasgelan bakoitzak bere Olentzero egitera.

Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...