Albistea entzun

EKOGRAFIAK

Wetwareaz

Gorka Julio -

2021eko irailak 18

Iraileko hirugarren larunbatean Software Librearen eguna ospatzen da. Ezer gutxi daki oraindik jendeak software libreari buruz orokorrean, nahiz eta gure bizitzak goitik behera aldatzea lortu duen. Gauza gutxi dira gure jendartean sakoneko eragina izanik, ezezagutza maila hau izango dutenak.

Software libreari esker, Internet bera existitzen dela esatea batzuentzat erokeria izan daiteke, baina errealitate bat da. Hasieretan, sortzaileek erabilitako protokoloak libre jarri zituzten denon eskura, eta software gehiena ikuskatu zitekeen; orain librea dena bezalaxe.

Orain ere, Interneteko zerbitzarietan erabiltzen den softwarearen parte handiena librea da. Bai, Netflix, Google, Twitter, Tik-Tok... erabiltzen ari zarenean, erabiltzen ari zaren hori librea ez bada ere, atzean dagoen software libreko programak egiten du posible.

Zergatik, baina, ezezagutza maila hori? Lainoaren metaforak nahita ezkutatu digu sareen antzean daukaten izaera materiala. Sareak ordenagailu, kable, uhin eta horiek kudeatzen dituzten pertsonez osatuta daude, ez dira fenomeno atmosferiko bat. Software librea eta softwarea hitza berak ahalbidetzen ahal du jendearen ezezagutza? Ez dut uste.

Esango nuke software hitzak ez duela lainoaren izaera bera. Zerbait konplexua azaltzeko bide bat izan zela bere momentuan, ukigarria zena (hardwarearea) bereizteko trikimailu polita. Banaketa filosofiko zahar baten kalko bat, gorputza (hardwarea) eta arima (softwarea) litzatekeena.

Hardwarea ubikuoa bihurtzen ari zaigu, ez dugu, dago! Hardware aktiboa dagoen edozein tokitan dago softwarea. Zure gorputzean txertatutako inplanteak dira edo zure odolean zehar ibiliko diren gailu txikiak izango dira. Denek beharko dute softwarea, eta horregatik da hain garrantzitsua software librea, gure etorkizuna gure esku izatetik gertuago egoteko.

Laster softwareaz gain, wetwareaz (wet ingelesez umela) ere hitz egiten ariko gara. Wetware terminoa hardwarearen edo softwarearen konputazioarekin lotutako ideiatik lortzen da, baina bizimodu biologikoei aplikatuta. Gai horiek guztiak guretik pentsatzeko, eta ez kanpotik pentsatuak izateko, Euskal Herria digitala. Ziberburujabetzaren bidean jardunaldi interesgarria egingo da, urriaren 15ean, Oreretako Lekuona eraikinean. Aukera polita izan daiteke eztabaidatzen hasteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Andoni Aldekoa EITBko zuzendari nagusia ©Aritz Loiola / Foku

EITBren 'streaming' plataformari 'Primeran' izena jarriko diote

Urtzi Urkizu

Andoni Aldekoa EITBko zuzendari nagusiak taldearen asmoen eta lehentasunen berri eman du gaur, Bilbon, Seriesland websailen jaialdian. «Kontsumo eta euskarri digital berrien aurrean, euskarazko edukiak bermatu behar ditugu», esan du

 ©OSKAR MATXIN EDESA / FOKU

«Kritika egingo dugu, tokikotik globalera»

Urtzi Urkizu

Bilboko Seriesland jaialdian 'Zikings' animaziozko websailaren lehen atala proiektatu dute. Abenduan sarean izango dira ikusgai aurreneko bost atalak. Proiektua «monetizatu» egin nahiko lukete.
 ©ARITZ LOIOLA / @FOKU

«Musikan dena dut egiteko»

Gorka Erostarbe Leunda

Pandemiak apenas utzi dion 'Rueda' azken lana behar bezala aurkezten; Bilboko Euskeria abesbatzaz lagunduta kontzertua emango du etzi, Donostiako Viktoria Eugenia antzokian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.