EKOGRAFIAK

'Roma'

Lander Arretxea -

2019ko otsailak 26

Multi-diziplinarra izan beste aukerarik ez dagoen garaian gaude. Nahikoa da telebistara begiratzea; Naroa Agirre pertiga jauzilaria luzaroan aritu zen aktore Goenkale-n; Aitor Zubieta pilotaria telebistara jauzi egin duten kirolarien zerrenda luzera batu zaigu; dozenaka abeslarik egin du gauza bera; idazleren batek ere bai; eta badira beste dozena bat diziplinatan —idazle, zuzendari, abeslari...— fin aritzen diren bertsolariak, besteak beste. Kanpoan, berdin; ez da adibiderik falta: Michael Jordan beisbolean; edo Ronald Reagan aktorea bera, pentsa, Amerikako Estatu Batuetako presidente. Zenbaitek bekaizkeriaz-edo intrusismoa deitzen dion hori fenomeno ezin arruntagoa da. Ohituta behar genuke. Baina oraindik, tarteka, urduritzen du bat edo beste.

Gertatu da, beste maila batean bada ere, aurtengo Oscar sarietan. Netflix plataformak, telesailak egin eta zabaltzeko logika iraultzearekin nahikoa ez, eta zinemaren sari nagusietan muturra sartu nahi izan du. Baita lortu ere. Oscar sari bat irabazi duen plataforma digital batek ekoitzitako lehen filma bilakatu da Roma. Alfonso Cuaron mexikarrak zuzendutako lanak zuzendari onenaren, argazki zuzendaritza onenaren eta atzerriko film onenaren sariak irabazi ditu. Denera, hiru estatua preziatu.

Film onenaren sarirako hautagai nagusia ere bazen, baina igandeko sari emanaldiraino egin duen bidea ez da erraza izan. Hollywoodeko Akademiak ez zuen argi sareko plataforma batean estreinatutako filma Oscar sarietan hautagai izan zitekeenik. Izan da, azkenean, baina tira-bira eta negoziazio luzearen ondoren. Eztabaida mordoa piztu eta zinemaren industriaren kontraesanak utzi ditu agerian: aretoetan erakusten denean soilik da zine? Badu, gaur egun, telebista/zinema/sarea banaketak zentzurik?

Netflixeko arduradunek, harro, filmen banaketari egin dioten ekarpen berritzailea aldarrikatu dute; eta filma ikusi duenik bada, bat etorriko da ziur asko: filmak merezi ditu, —beste hautagaiek adina, gutxienez— jaso dituen hiru sari horiek. Baina nik, Netflixen hileroko kuota ordaintzen dudan honek, ez dut ordenagailuan ikusi. Areto batean ikusi dut propio, auzoko kultur etxe batean antolatu duten saioa aprobetxatuz. Netflixen egonda ere, Roma zinema da; eta zineman gozatzen da gehien.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna