Albistea entzun

EKOGRAFIAK

Yanisi galdetu

Miren Manias -

2019ko apirilak 3

Question Time (galderen tartea) BBC One kateko eztabaida saioa da. Ordu bateko iraupena du, lantzen duten arlo nagusia politika da, eta oso arrakastatsua da Erresuma Batuan. Baita Eskozian ere. BBC Radio4eko Any question? (galderarik?) irratsaioan oinarrituta, telebista programaren lehen emankizuna 1979an egin zuten. Egun, ostegunetan ematen dute, 22:30ean. Formatua erakargarria da. Mahai ingurua edo platoa herriz herri eramaten dute, eta, normalean, politikari ezagunak gonbidatzen dituzte iritziak emateko —ia beti, gobernuko eta oposizioko ordezkari politiko bana—. Horiez gain, kazetari eta idazle ezagunak izaten dira. Galderak, ordea, herritarrenak dira. Besteak beste, adinaren, sexuaren, boto asmoaren, ogibidearen... arabera, saioak aurrez aukeratutako pertsonak izaten dira mahai inguruaren aurrealdean. Bakoitzak bi galdera egingo dituela suposatzen da.

Azkenaldian, brexit-a bilakatu da saio ororen fokua. Kontuan hartuta Erresuma Batuak bizi duen egoera politiko korapilatsua, ez da harritzekoa. Baina horrek badu arrisku bat: bestelako gizarte edo politika arazoak alde batera uztea, hain zuzen ere. Bestalde, esango nuke telebistako tertulia edota eztabaida politikoek nekez eskaintzen dutela ezer berririk jada. Aurpegi berdinak, keinu antzekoak eta iritzi errepikakorrak ikus-entzutera ohituta gaude. Areago, Question Time saioan ez bezala, kaleko jendeak gutxitan egiten dizkie politikariei galdera zuzenak telebistako platoan. Horrek esan nahi du benetako galderentzat aukera gutxiago dagoela. Eta gertatzen denean, irudipena daukat hauteskunde garaiko saio laburrak izaten direla. Hau da, zintzotasun gutxikoak gonbidatuen aldetik.

Pasa den osteguneko BBC Oneko saiora, Greziako Yanis Varufakis ekonomialari eta politikari ohia gonbidatu zuten. Haren jatorrizko herrialdean asko maite ez duten arren, indartsuak eta beharrezkoak iruditu zitzaizkidan haren hitzak. Konplexurik gabe aritu zen. Zein den bere iritzia brexit-ari buruz? «Gerran garaitua izan ondoren nazio batek sinatzen duen akordioa da hau», esan zuen Varufakisek, herritar baten galderari erantzunez. Horrelako pertsonak entzun ondotik, buruzagi politikoen diskurtsoak etortzen zaizkizu berehala. Konparaziorik ez. Galdetu Yanisi, garbi erantzungo dizu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©LUIS TEJIDO / EFE
San Mames estadio paretik hasi eta udaletxean bukatu zen manifestazioa. Hiru ilara osatu zituzten manifestariek, distantziak gordetzeko. ©MARISOL RAMIREZ / FOKU

Futbolak eragindako oihuak

Amaia Igartua Aristondo

Bilbo 2021eko Eurokopako egoitzetako bat izango den erabakiko du UEFAk apirilaren 19an. Hala izan ez dadin eskatu dute Bilbon, 'Eurokopa honi ez' plataformak antolatutako manifestazioan.

<em>Orria</em> euskarazko astekaria 1983ko uztailaren 23an argitaratu zuen lehen aldiz <em>La voz de Euskadi</em>-k. ©BERRIA

Euskarazko kazeta bat ere nahi zuen Pepe Reik

Urtzi Urkizu

Pepe Reik eta beste kazetari batzuek 'La voz de Euskadi' egunkaria jarri zuten martxan 1983an. Euskarazko egunkari bat ere sortu nahi zuen Reik; 'Orria' gehigarria egin zuten bost hilabetez, Mikel Aramendi buru.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna