EKOGRAFIAK

Gobernua ala BBC?

Miren Manias -

2019ko ekainak 12

Erresuma Batuko BBC telebista katea ikusteko ordaindu egin behar da; alegia, etxe bakoitzak telebista lizentzia bat eduki behar du. Hori da herrialdeko irrati, telebista eta Interneteko zerbitzu publikoak finantzatzeko eredua: BBCko ikus-entzunezko eduki guztiak finantzatzeko erabiltzen da lizentziatik jasotakoa. Urtean 173 euroko kostua du, telebista koloretan ikusi nahi bada —zuri-beltzean, aldiz, 58 euro—. Badaude tarifa txikiagoak ere zaintza egoitzentzat, itsuentzat eta 74 urtetik gorakoentzat. Azken horiek, hain zuzen ere, doan kontsumi dezakete BBC. Baina erakunde publikoak murrizketak izan ditu azken urteetan, eta 2020ko uztailetik aurrera horiei ere lizentzia ordaintzea eskatuko zaie. Herenegun izan nuen horren berri, BBC Two-ko Newsnight saioari esker.

Emily Maitlis kazetariak gidatzen du Newsnight, eta 45 minutuko iraupena dauka. Astegun gauetan (22:30) ematen dute, eta gaurkotasuneko gaiak lantzen dituzte, elkarrizketa edota analisi sakoneko erreportajeak eskainiz. Programaren helburua da titularren atzean dauden istorioak aztertzea. Herenegun, justuki, David Clementi BBCko presidentea elkarrizketatu zuten lizentziaren auziaz; 74 urte gorakoei doako lizentzia kentzea «erabaki zaila» izan dela esan zuen Clementik. «Albiste txarra» izango da adineko pertsona «batzuentzat»; izan ere, pentsio diru laguntza jasotzen dutenei ez zaie kobratuko kate publikoa ikusteagatik.

Lizentzia kuotari esker BBCk jasotako diru sarrerak 4.300 milioi eurokoak izan ziren 2018an, eta kopuru horren %17 Erresuma Batuko gobernuaren ekarpena izan zen —74 urte gorakoen doako lizentzia estaltzeko—. 2020ko uztailetik aurrera, ordea, kostu hori bere gain gehiago ez hartzeko erabakia hartu du Londresek. Zenbateko hori 836 milioikoa izan liteke 2022an, mila milioi eurokoa 2030ean; bestela esanda, BBC Two, BBC Three, BBC Four, BBC News, CBBC eta CBeebies kateen aurrekontuen batura. Clementiren arabera, oraingo kalitate mailari eutsi eta adin tarte guztietako ikusleak zerbitzatu nahi badira, beharrezkoa da erabaki hori hartzea.

BBCren neurri berriak herritarren ongizate mailan oinarritutako politika suposatzen du; ondorioz, zerbitzu publikoaren unibertsaltasun printzipioa galduko da. Baina nori bota behar zaio errua, gobernuari ala BBCri?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna