Albistea entzun

EKOGRAFIAK

Meritu bikoitza

Juan Luis Zabala -

2020ko azaroak 10

Bila ibili naiz baina ezin aurkitu. Hitzetik hortzera ETB1eko saioak ez dauka orrialde propiorik Wikipedian; Nahieran atarian, berriz, 2009tik aurrerako saioak daude baina aurrekoak falta dira. Azkenean, Bertsozale Elkartearen webgunean sartuta jakin dut zenbat urte dituen zehazki saioak: «EITBren eta Euskal Herriko Bertsozale Elkartearen artean osatutako telebista-programa da Hitzetik hortzera. 1989-1990 bitartean egin zuen lehen denboraldia eta, etenen bat izan badu ere, gaur arte izan du jarraipena». Hogeita hamaikagarren denboraldian omen dago!

Azken urteetan egonkortua sumatzen dut saioa, bere lekua eginda eta horretan laketua, ez berrikuntzarik gabe eta bertan goxo eginda, baina bai errotua eta ziurtatua.

Izan zuen, alabaina, bestelako garairik, gorabehera eta tira-bira handiagokorik, zaratatsuagorik, batez ere hasieran, Bertsozale Elkartearen eta ETBren ikuspegiek bat egiten ez zutenean.

Kontu jakina da bertsolariak eta bertsozaleak eredugarriak izan direla, beren arteko lankidetzaren eta konplizitatearen bidez, euskal kulturaren esparruan hain kutuna den alor hau, bertsolaritzarena, apalkeriarik zein harrokeriarik gabe, kudeatzen, eta zeregin horretan elementu garrantzitsua izan da, hasierako urteetatik, Hitzetik hortzera.

Gazte asko eta askotarikoak bereganatu zituen bertsoaren munduak 1990eko hamarkadaren hasierako boom haren garaian, eta arrakasta horrek berekin ekar zitzakeen arriskuei eta kalteei aurre egiten eta harresia jartzen jakin zuten, pitzadurarik gabeko elkartasunez, bertsolariek eta bertsozaleek. Isilagoa bai baina akaso ez da errazagoa izan gero egin dutena, hau da, behin beren lekua hartuta —ez naiz telebistako saioaz bakarrik ari— horri bizirik, indartsu eta emankor eustea. Aspaldi ikasitako lezioa da: errazago da, adibide bat jartzearren, gaztetxe bat okupatzea gaztetxe okupatu bat itxuraz eta ganoraz kudeatzea eta baliatzea baino.

Orduko epika gorabeheratsuan zein egungo epika lauan ondo bete du bere zeregina, urteak joan eta urteak etorri, Hitzetik hortzera-k, eta halaxe jarraituko duela dirudi puska batean. Meritu handiko saioa izan zen, leherketa zaratatsuaren garaian, eta ez da meritu makalagokoa garai isilagootan. Meritu bikoitza.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©GOTZON ARANBURU / FOKU

«Ez naiz garbiketa enpresa bat; nire lan eremua garbitzen dut»

Aitor Garmendia Etxeberria

Arrauning ez da «aisialdi enpresa normal bat». Urumea ibaia ezagutaraztea du helburu, eta garbiketarako egunak ere antolatzen ditu. Urumeako Aste Nagusia jarriko du abian, bihar.
1 ©JAIZKI FONTANEDA / @FOKU

Jai moldeen norabideak

Amaia Ramirez de Okariz Kortabarria

Bi urte dira jada jairik ez dela egin Gasteizen. Horrek eragina izan du eragileengan, eta BERRIAk haietako batzuekin hitz egin du. Jai ereduaren eta antolakuntzaren inguruko hausnarketak egiten ari dira.
Burdina kiskaltzeko labeak ikus daitezke Aizpean. ©ANDONI CANELLADA / FOKU

Burdin garairako bidaia

Olatz Esteban Ezkati

Mendeetako historia duten burdin meategiak dira Zeraingoak, eta galeriak eta labeak ikusteko ibilbide atsegina egin daiteke han
Atharratze merkataritzarako eraikia izan zen; bastida bat da, eta karrika nagusi bakarrak zeharkatzen du hiria. ©GUILLAUME FAUVEAU

Atharratze azaltzen

Ainize Madariaga

Zuberoako Basaburuko hiriburuaren bisita gidatuak agerian uzten du Atharratzeren garrantzia. Bastida bat da; merkataritzarako eraikia izan zen, XIII. mendean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.