Albistea entzun

EKOGRAFIAK

Udazkenaren hasiera

Amaia Garcia -

2021eko irailak 23

Udara amaitu da eta agur esan nahi diot tarte honetatik. Eguzki orduak gutxitu egin dira eta telebistan estreinaldi berriak ere hasi dira. Aste honetan, ETB1en esaterako lehiaketak iritsi dira Zurekin bat saioarekin. Udara ahaztu baino lehenago, eta betiko errutinan sartu aurretik, 2021eko udarako telesaila gogoratu nahi dut. Bai, asmatu duzu, HBOko White Lotus telesailaz ari naiz.

Mike Whiten telesailak pantailaren aurrean geratzea eragin digu eta HBOri baietz esan diogu hurrengo kapitulua ikusi nahi genuen galdetzen zigunean. Hawaiira bidaiatu dugu eta bertan aloha esan ostean bi munduen arteko talkan gustura egon gara. Telesail honetan hoteleko bezeroen eta langileen klase desberdintasuna agerikoa da. Bezeroen arazoak langileen arazo bihurtzen dira eta langileen behar eta ametsak deuseztatu egiten dira. Bezero batzuk gorrotatu egin ditugu edo agian ia denak. Langileen aldean jarri gara, baina ezin izan dugu ezer ere egin. Bong Joon Ho zuzendari korearraren Parasite filma gogorarazten digu une batzuetan, baina gatazkak eta arazoak ez dira modu hain dramatikoan amaitzen. Telesail honen arazoa agian hori izan daiteke, hasten den bezala amaitzen dela. Klase altuko bezero horiek beren arazoekin jarraitzen dute, baina aurrera egiten dute beraien bizitzan. Klase baxukoek, aldiz, ez dute hain zorte ona edukiko.

Sei kapituluko lan honek argi uzten du klase altuko pertsonen dramak ikustea gustatzen zaigula. Beraiek ere sufritzen ikusi nahi ditugu eta horrekin gure egunerokoaz ahaztu. Telesail berrien bila jarraituko dugu udazkenean. HBOk Donostiako Zinemaldian aurkeztu ditu zenbait, Venga Juan esaterako; bertan Juan Carrascoren gorabehera berriak ikusiko dira. Klase altuko familia baten arazoak gure zain daude urriaren 18tik aurrera Succession telesailean. White Lotus ikusterakoan ere telesail honetan pentsatu dut, eta uste dut bere arrakastaren gakoa hori izan dela, Roy familiaren zain egon garela udara honetan.

Urtaroari agur esaten ari gara, hondartza alde batera utziko dugu eta sofa eta mantaren azpian gordeko gara negua joan arte. Bitartean, dena berdin egongo da, arazoak arazo, goikoak goian eta behekoak behean, White Lotus-en eta Succession-en bezala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Juan Beistegi oso zintzoa zen bere buruarekin eta besteekin»

Jakes Goikoetxea

Altxor bat izan du esku artean: Juan Beistegi komandantearen memoriak, 1936ko gerran oinarrituak. Kontaketa soila, baina oso aberatsa.
Jose Otanoren bizi-heriotzen argitaratzaile Josu Aldai, Hernaniko hilerriko kriptan. ©ZALDI ERO

Oroitzapena eta Gorazarrea

Miel A. Elustondo

Elizgizon klaretarra zen Jose Otano Miqueliz nafarra. 1936ko urriaren 23an fusilatu zuten Hernanin, hainbat apaiz abertzalerekin bateratsu. Laurogeitaka urte geroago, kongregaziokidearen urratsak berregin ditu Josu Aldai Otxoa de Olanok (Agurain, 1944), Lergan hasi eta Hernaniko kripta izugarriraino.
<em>3 Ene kantak</em> saioko aurkezle eta pertsonaiak. ETB1en eta ETB3n ematen dute. ©ETB

Ene Kantak taldekoek marrazki berriak eskatu dituzte ETBrako

Urtzi Urkizu

Ene Kantak-ek bat egin du Pantailak Euskaraz egitasmoarekin. Babes handia jaso du egitasmoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.