Albistea entzun

EKOGRAFIAK

Boterea

Amaia Garcia -

2022ko ekainak 23

Boterearen atzean dauden azpijoko eta estrategiak erakusten dituzten telesailen jarraitzailea naiz. West Wing eta House of Cards telesailak biziki jarraitu ditut urteetan zehar. Telesail horietan gizonak daude boterean, baina azkenean Claire Underwood boterean ikusi genuen House of Cards telesailean. Boterea lortzeko estrategia asko egon daitezke, baina oso ohikoa da zure kontrakoaren trapu zaharrak ateratzea bestearen irudia okertu dadin.

Estrategia horren aurka askotan ikusi dugu Birgitte Nyborgen pertsonaia Borgen telesailean. Zorionez, telesail hori kapitulu berriekin telebistara itzuli da, Netflixi esker. Nyborg kargu berri batekin ikusi dugu: lehen ministro izaten ikusi ostean, atzerriko ministro gisa ikusiko dugu. Bere karguak gatazka klimatiko eta geopolitiko batean murgilduko du. Gatazka horri aurre egiteko, estrategia aldatuko du, eta, boterean mantentzeko, ahal duen guztia egingo du, nahiz eta bere alderdikideei eta bere familiari kalte egin.

Eskrupulurik gabeko politikari bat bihurtu dela dirudi batzuetan, eta horrek bere alderdikideen konfiantza galtzea ekarri dio. Nyborgek bere semearekin gatazka publiko bat izango du, eta bere egoera ere kolokan jarri da. Lehen ministro izan zenean, bere familia zaintzeko denborarik ez zuen. Denboraldi honetan, umeak hazi egin dira, eta bere senarrarengandik banandua dago; beraz, ez du inor zaindu behar. Haren iritziz, gobernuan egoteko, hobeto datorkio zaintza lanik ez egitea.

Ez da kasualitatea Intimidad telesailean Malen Zubiriren pertsonaiak antzekoa bizi izatea. Udaletxean lanean hasi zenetik bere etxeko ardura alde batera utzi duela agerian geratzen da, eta bere senarrarekin eta alabarekin gatazka izan du horregatik. Zaintzen gaia gutxitan jorratzen da gizonak boterean daudenean.

Emakume gutxi ikusten ditugu boterean, bai fikzioan eta bai errealitatean. Horregatik, fikzioan ez dugu berdintasuna ikusten. Borgen telesailean berdintasuna erakusten saiatzen dira, baina Intimidad telesailean oso agerian uzten da ez dela berdin emakume ala gizon bat izatea politikan lan egiteko. Fikzioak desberdintasun horiek erakusteko balio behar du oraindik, nahiz eta ez legokeen gaizki gizon boteretsuen familian gertatzen diren gatazkak noizbait ikustea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sekulako giroa izan zen atzo Ondarroan, eguerditik hasita. ©URTZI URKIZU

'Azule', txingor euritan aurrera

Urtzi Urkizu

Bi urtez derrigorrez eten ostean, Zapato Azule jaia egin dute Ondarroan. Giro aparta izan da kaleetan, Dinamartxakoei ongietorria eman diete eta pentsiodunak omendu dituzte.
Itziar Ituño aktoreak Malen Zubiri politikariarena egiten du <em>Intimidad</em> telesailean. ©DAVID HERRANZ / NETFLIX

'Intimidad', Netflixen gehien ikusi den telesaila, ingelesez bestekoetan

Urtzi Urkizu

Txintxua Filmsen fikzioa 58 herrialdetan sartu da Top10ean. IMDB-ko lehen 50etan kokatu da

Edorta Agirre. / ©Gorka Rubio, Foku

«Janari pista galduz gero, nahi duena salduko digu sistemak»

Miren Garate, Gipuzkoako Hitza

Janaren inguruan «gero eta desinteres handiagoa» ikusten du Edorta Agirrek, Amantala ta mantela liburuaren egileak. Dioenez, «zelofanez ontziratutako produktuek» hartu dute lehengaien tokia. «Horiek zer duten? Sinetsi egin behar, ez baitugu kriteriorik».

 ©ENDIKA PORTILLO / FOKU

«Niretzat, bertsoa terapia da; arazoren bat edukiz gero, bertsotan heltzen diot»

Amaia Ramirez de Okariz Kortabarria

40 urte igaro dira Arabako lehen bertso eskola sortu zutenetik, eta Lopez izan zen sortzaileetako bat. Ordutik, alboan izan du bertsoa, eta, eginiko lana eskertzeko, aurten berari eman diote Arabako bertsolari txapeldunari txapela jartzeko aukera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...