Albistea entzun

EKOGRAFIAK

'Pasapalabra'

Lander Arretxea -

2022ko azaroak 25

A-z hasten da: saio baten formatua baimenik gabe kopiatzeagatik epaitu duten komunikazio enpresa. Atresmedia. B-rekin: prozesu judiziala bideratu duen auzitegia. Bartzelonakoa. C darama: salaketa ezarri duen enpresa. Herbehereetakoa. MC&F. D-z hasita: epaia behin betikoa denean, saioari ezar diezaioketen betekizuna. (Emititzeko) debekua. E darama: prozesua motel dezakeen neurri judiziala. Helegitea. F-rekin: saio horretan laguntzaile diren pertsonak batzen dituena. (Sasi)famatutasuna. E-z hasten da: saioaren emisio eremua. Espainiako Estatua... L-rekin hasita: saioari dagokion telebista generoa. Lehiaketa... O du lehen hizkia: gatazka eragin duen proba. Opila (edo gurpila)... P-rekin: saioaren izenburua. Pasapalabra. Barkaidazue jolas aldrebesa. Baina pentsatu dut, haiek formatua lapurtu badezakete, ez naizela ni gutxiago izango. Kontua baita, Tele5k lehenik eta Atresmediak ondoren, Herbehereetako enpresa batek asmatutako jolasa kopiatuz bete dutela euren programazioa. Eta baita poltsikoak ere. Aitzakia ematen du telebistaren salmenta merkatuari begiratzeko. Ikusten ditugun saioen zati handi batek baitu, jatorrian, eskubideak erosita kopiatu den beste saio bat, munduko txokoren batean. Kasu honetan, ingelesezkoa omen da jatorrizko saioa: The Alphabet Game. Eta hori da Tele5k lehenago eta Atresmediak gero erosi zutena. Baina hark ez du azken proba hori, alfabeto borobilarena, bere baitan biltzen. Berritasun hori gehitzeko eskubideak Italiako Passaparola-k ditu soilik, eskubideen jabe den MC&F enpresaren arabera.

Baina justiziak bere zuloak ere baditu. Eta oraingoz, Bartzelonako Auzitegiaren ebazpenak ez du ondoriorik izango. Helegitea jar dezake Atresmediak, eta prozesu hori guztia luzatzen den bitartean ez dute emisioa —Espainiako telebistan bizitza luzeena duen saioen artean dago— eten beharrik izango. Diotenez, hainbat urtez luza daiteke hori. Konparazioak deigarriak dira: pandemiaren kudeaketarekiko iritzi kritikoak biltzen dituen 180 grados zabaldu eta 16 ordura kendu dute Netflixetik, handi-mandiren bat urduritu ostean. Beste alderaketa bat: Atresmediak zazpi telebista kate ditu. Bertan hitz egiten dute egunero zientoka kazetarik eta hitzontzik. Bada, ez dute, ez han ez hemen, epaiaz ezer aipatu. Pasapalabra.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / FOKU

«Euskarak bere lekua topatu beharko du krisi ekologikoan»

Amaia Igartua Aristondo

Krisiak eragin ditzakeen gizarte aldaketetara egokitu beharko du euskarak, Igeregiren arabera. Egoera gorabehera, euskalgintza eta ekologismoa batu daitezke; egun, ordea, «bakoitzak bere bidea du».
Sukaldari bat, bere etxean, zopa prestatzen. ©BERRIA

Salda badago

Enekoitz Telleria Sarriegi

Zopa giroa izaten da negukoa: gozatzen duelako barrena eta eztitzen duelako aldartea. Baina hori baino gehiago ere bada zopa: oinarrizko jaki bat da, unibertsal bihurtu dena, eta norbere kulturaren adierazle ere badena. Jendeak, ordea, egiten du oraindik zoparik etxean?
 ©IKER MARKINEZ

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.