Albistea entzun

EKOGRAFIAK

Ajea

Amaia Garcia -

2022ko azaroak 29

Antsietatea, droga kontsumoa, festa eta larrua jotzea. Lau gai horiek jorratzen dira Autodefensa telesailean. Gaiak ez dira berriak, baina batzuei ez zaie gustatu gai horiek nork jorratzen dituen. Bi emakume gazte dira protagonistak, eta aurpegi ezagun bat ikusiko duzue Rigoberta Bandiniren jarraitzaileak bazarete. Belen Barenys Rigoberta Bandinirekin abesten ikusi dugu eta bere lehengusina da. Barenysek eta Berta Prietok telesail berri hori aurkeztu dute azken asteetan zenbait zinemalditan, eta gaur estreinatuko da Filminen.

Z belaunaldiaren kezkak lehen lerrora ekartzen ditu telesailak, eta autofikzioa erabiltzen du guregana iristeko. Festa baten ondorengo ajea pasatzen duten bitartean, beren kezkak azalduko dituzte protagonistek, eta erabaki arraroak ere hartuko dituzte. Kapitulu motzak dira eta bakoitzean formatua desberdina da. Horrek kritikak eragin ditu, eta Belen Barenysek horri buruz idatzi zuen bere Instagram kontuan, aurreko astean: «Jendea oraindik asaldatu egiten da baimena eskatzen ez duten bi emakume ikusteagatik. Geure buruaren defentsan dibertitzen jarraituko dugu».

Fikzioan denetik ikusi dugu, baina bi emakumek zenbait gai jorratzen badituzte, traba dira. Urteak daramatzagu gizonezkoen «sexua, drogak eta rock-and-rolla» ikusten, baina orain emakumeek sexuaz, drogez, ajeaz, sentimenduez eta festaz hitz egiten badute, begi txarrez ikusten dira. Horri aurre egiteko horrelako fikzio gehiago sortu behar dira.

Telesaila, dibertigarria izateaz gain, guztiz barneratzen da pertsonaien psikologian. Beren eguneroko zalantzak eta ardurak helarazten dituzte, eta horren bitartez nolakoak diren azaleratzen da. Horrek Feroz sarietarako bi izendapen lortzea ekarri die, telesailen arloan: komedia onenaren saria eta gidoi onenaren saria lortzeko aukera dute.

Autodefentsa lantzea zaila da, baina emakume horiekin aurrera egiteko aukerak daude. Antsietateari eskainitako kapitulua oso beharrezkoa iruditu zait. Gazte askok antsietatea pairatzen dute, eta sufritzen ez dutenek gutxitan ulertzen dute zer bizitzen den. Modu hain errazean ikusteak enpatia sortu dezake ikuslearengan. Telesailari esker, beren buruaren defentsan dibertitzea lortu dute bi aktoreek, eta ikusleak ere dibertitzeko aukera aparta du gaurtik aurrera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...