Albistea entzun

Euskarabentura

Euskaraz gozatzeko oasia

Euskarabentura bi txandatan egiten ari dira aurten. Bigarren txandako parte hartzaileek Bidania-Goiatz utzi berri dute, eta Aulestin daude jada.
Euskarabenturako parte hartzaileak kanpin dendak jasotzen, Bidania-Goiatzetik Aulestira joateko, atzo.
Euskarabenturako parte hartzaileak kanpin dendak jasotzen, Bidania-Goiatzetik Aulestira joateko, atzo. GOTZON ARANBURU / FOKU Tamaina handiagoan ikusi

Ane Markina Auzmendi -

2021eko uztailak 21 - Bidania-Goiatz

Bidania-Goiatzeko San Bartolome elizaren alboan dagoen aparkalekutik Berri Txarrak-en Katedral bat abestia entzuten da, ozen. Parrokiaren atzealdera joan, eta kanpamentu handi bat ikusten da. Elastiko urdin eta laranjak dauzkate jantzita, eta Euskarabentura idatzi dute bertan. Kanpin dendak jasotzen dituzten bitartean, abesten dabiltza Euskarabenturako parte hartzaileak, irribarretsu. Musika furgoneta zuri batetik dator, eta han, kaxetan gordetzen dituzte espedizioetarako behar dituzten materialak.

Euskarabenturako bigarren txandako parte hartzaileak dira. Bi txandatan egiten ari dira aurten espedizioa, eta joan den ostiralean hasi zuten bigarren txanda, Bidania-Goiatzen. Lau egun Gipuzkoako herri txiki horretan egon ostean, espedizioaren bigarren taldea Aulestira (Bizkaia) abiatu zen atzo, abenturan jarraitzeko. Orotara, 90 pertsonak osatzen dute bigarren txanda: 16-17 urteko 60 parte hartzaile jzioquitarrek (laranjaz); eta 30 mediku, argazkilari, begirale eta koordinatzaileek (urdinez). Azken horiek dira xerpak.

Euskal Herri osoko gazteek parte hartzen dute Euskarabenturan, eta bigarren txandan, Ipar Euskal Herriko 16 gazte batu dira. Horietako bi dira Alaia Dammers angeluarra eta Garazi aldeko Eneko Laxague. Biak oso gustura daude espedizioan dagoen laguntasun giroa dela eta. Dammersek gaineratu duenez, euskaraz hitz egiteko balio dio: «Nire lagunek frantsesez dakitenez soilik, aukera paregabea da hau nire euskara hobetzeko».

Herniora igo eta Zegama bisitatzeaz gain, bisita bereziak izan dituzte jzioquitarrek: Bulego taldea eta Kike Amonarriz. Amonarrizek euskararen erabileraren inguruko hitzaldi bat eman die. Hala ere, sorpresatxo bat izan zuten gazteek Zegaman. Beñat Urtazamaia parte hartzaile irurarrak momentu «polit» moduan gogoratu du: «Zegaman genbiltzala, Gorka Urbizurekin egin genuen topo, eta une ikaragarria izan zen».

Orain, Bizkaian daudela, Lekeitioko hondartza, Santimamine, Gernikako Juntetxea eta Aulesti ezagutuko dituzte. Gainera, Lorea Bilbao Euskara, Kultura eta Kirol foru diputatua eta Agurtxane Llano Eusko Jaurlaritzako Gazteriako zuzendariarekin batuko dira. Euroeskualdeari buruzko hitzaldia ere izango dute.

Bigarren txanda, «oso alaia» dela dio Dylan Inglis xerpak. Parte hartzaileen arteko harremanak eta euskara sustatzea helburu, joko desberdinak egiten dituzte. «Hasieran, oso gutxik ezagutzen zuten elkar, eta orain, familia bat bilakatu dira».

Neurriak errespetatuz

Euskarabenturaren aurreko bi edizioak ibiltariak izan ziren, eta 180 lagun biltzen ziren. Aurten, ordea, COVID-19a dela eta, hori ezinezkoa izan zaie antolatzaileei, eta bi taldetan banatu behar izan dute espedizioa. «60ko bi taldetan banatu behar izan ditugu parte hartzaileak, eta hamar egunetara mugatu espedizioa», Irune de la Maza Euskarabenturako antolatzaileak adierazi duenez.

Horretaz aparte, arazoak izan dituzte hasieratik herri batzuetan kanpamentua jartzeko, De la Mazak azaldu duenez. Bestalde, COVID-19 protokoloa gogor betetzen dute, espedizioan dauden bi medikuen laguntzaz. Maria Arrozpide Euskarabenturako medikuetako batek protokoloa azaldu du: «Leku itxietan, maskararen erabilera beharrezkotzat jotzen dugu, eta goizero tenperatura neurtzen diegu denei».

Hala ere, espedizioa hastean, parte hartzaile bakoitzak bi egun lehenago eginiko PCR proba aurkeztu behar izan zuen, eta egun berean antigeno proba egin. Horrez gain, barneko langile zein parte hartzaileen segurtasuna bermatzeko, kanpoko bisita bereziei antigeno proba egiten diete.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zorion eta ilusio eztanda, mantangorriaren milagarrena ospatzeko

Berria

BERRIAk haurrentzako argitaratzen duen Mantangorri gehigarriak mugarria pasatu du: 1.000 zenbaki. Jai batekin ospatu dute eginiko bidea, Txillida Lekun.

Gasteizko liburu zaharren eta bigarren eskukoen azokaren 27. aldia da aurtengoa; Urrezko Zeledonen plazan dago. ©RAUL BOGAJO / FOKU

Iragana, liburu zaharretan jasoa

Unai Etxenausia

XX. mendean idatzitako liburuez gozatzeko aukera dago Gasteizko liburu zaharren azokan. Tokiko eta nazioarteko sei erakusmahai daude guztira, eta ekainaren 5era arte izango dira zabalik.
Ontziak badian sartzen, herenegun arratsaldean. <em>Shtandart</em> ontzia da handiena, eta <em>Piueiro</em> haren atzetik doana. ©ANDONI CANELLADA / FOKU

Lehorreko kresala

Enekoitz Telleria Sarriegi

Hasi da Pasaiako Itsas Festibala. 160 ontzi tradizional baino gehiago daude ikusgai badian, eta bihar arte egongo da handienak bisitatzeko aukera. Itsasoari begira eta itsasoaren bueltan atondu dute jaialdia, ondare horren erreferente bihurtzeko asmoz. Ikusmin handia sortu du bigarren ekitaldiak ere, eta jendetza espero dute asteburuan.

 ©MONIKA DEL VALLE / FOKU

«Sukaldaritza tradizionalean ez zen haragi asko erabiltzen»

Amaia Igartua Aristondo

Sukaldari beganoa da Losada; hau da, bakarrik produktu begetalak erabiltzen ditu bere menuak ontzeko. Animalia jatorriko osagairik gabe jaki «zaporetsuak» egin daitezkeela aldarrikatzen du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...