Noiz sortua: 2018-07-26 00:30:00

Akordioa lortuta, isuna ezarri diete AHTaren aurkako lau ekintzaileei

Auzipetuek 543na euroko isuna ordaindu beharko dute 2010eko uztailean Itsasondoko meategietan bost eguneko itxialdia egiteagatik. Donostiako Epaitegiaren aurrean elkarretaratze bat egin dute
Atzo goizean dozenaka lagunek elkarretaratzea egin zuten epaitegi aurrean, AHTaren aurkako auzipetuei elkartasuna adierazteko.
Atzo goizean dozenaka lagunek elkarretaratzea egin zuten epaitegi aurrean, AHTaren aurkako auzipetuei elkartasuna adierazteko. JUAN CARLOS RUIZ / FOKU Tamaina handiagoan ikusi

Ane Lamarka Etxeberria -

2018ko uztailak 26
2010ean AHTaren obren kontra Itsasondoko (Gipuzkoa) meategi batean itxi ziren lau ekintzaile epaitu zituzten atzo Donostian. Orduko protestagatik urte eta erdiko espetxe zigorra eta 60.000 euroko isuna eskatuak zituzten fiskalak eta akusazio partikularrak. Epaiketa 10:45 aldera hasi zen, baina azkar bukatu zen, aldeek aurrez akordio bat lortu zutelako. Ondorioz, ekintzaile bakoitzak 543 euroko isuna ordaindu beharko du, sei hilabeteren buruan; hau da, egunean hiru euro bakoitzak. «Gustatuko litzaiguke auzitegietan egotea datozen belaunaldiei elikadura burujabetza ukatzen dietenak, eta bizitzaren oinarriak, lurra eta ura, suntsitzen ari direnak», salatu du Beatriz Arana auzipetuak.

Euskal Trenbideen Sareak (ETS) akusazio partikular gisa zegoen auzian, baina atzera egin zuen, beraz, fiskaltzarekin negoziatu zuen defentsak. Ekintzaileen abokatuetako batek, Garbiñe Gomezek, adierazi zuen zigorraren epaia akordioan kontuan izan zutela protesta egin zenetik zortzi urte igaro direla. Hortaz, hertsatze delitua egotzi diete, baina zigor txikiena ezarri diete; hau da, hiru hilabeteko espetxe eskaeraren ordez, sei hilabetetan zehar isun bat ordaindu behar izatea.

2010eko uztailean bost egunezsartu ziren lau ekintzaileak Itsasondoko bi meatzetan, AHTaren obren «arduragabekeria» salatzeko eta lanak atzeratzeko asmoz, baina ez zen aurreikusitakoa bete; izan ere, barruan zirelarik bi leherketa egin zituzten langileek. Kanpoan herritar talde batek ohartarazi zion obren arduradunari lanak geldiarazi behar zituela, aurrera jarraituz gero ekintzaileak arriskuan jarriko zituztelako. Hark, ordea, erantzukizuna barruan zeudenen gain jarri eta aurrera egitea erabaki zuen. Herritarrek Tolosako auzitegietan salaketa jarri ostean, lanak gelditu zituzten, eta orduan joan zen Ertzaintza ekintzaileak meategietatik ateratzera.

Hain justu, erabakitzeke geratu da auzipetuek erantzukizun zibilagatik zenbat ordaindu beharko duten. Eusko Jaurlaritzak frogak aurkeztu beharko ditu erreskate lanen kostua zehazteko; gehienez ere, 11.000 euro eskatu ahal izango diete ekintzaileei. Sententziaren exekuzio aldian erabakiko da zenbatekoa izango den isuna.

Egindakoa egina dago

AHT Gelditu Elkarlanak deituta, dozenaka lagunek parte hartu zuten atzo epaitegien aurrean egin zen bilkuran. Plataformako kide Mila Elorzak adierazi zuen obrak «geldiarazi behar» direla: «Ez du zentzurik lanekin jarraitzeak, Europako Kontu Auzitegiak erakutsitako txostenaren arabera». Adibide gisa, Lemoizko (Bizkaia) zentral nuklearra izan behar zenaren kasua jarri du: «Lemoizek ez du inolako tripako minik zentrala gelditu zelako, eta AHTarekin ere berdina gertatzen da». Diru hori beste gauza askotarako erabil daitekeela erantsi zuen: «Inork nahi eta behar ez dituen proiektuak egiten gastatzen ari dira dirua».

Albiste gehiago

Martxoaren 28an eguneratua, 14:00etan. ©BERRIA

Koronabirusaren azken datuak

Berria

Euskal Herrian 6.987 gaixok eman dute positibo koronabirusaren proba eginda, administrazioen arabera. 312 hil dira. COVID-19 gaitza izandako 988 pertsonari eman diete alta. Grafikoak, albiste barruan.

Fruta saltzailea bat, Donostian. / ©Gorka Rubio, Foku

Etzi lan jarduera etengo dute Hego Euskal Herrian, bi asterako

Berria

"Ordainpeko baimen berreskuragarria" ematea erabaki du Madrilek. Zortzi egunez luzatuko da, apirilaren 9ra arte, Aste Santura arte, eta langileek berreskuratu egin beharko dituzte orduak

Pedro Sanchez, gaurko agerraldian, Moncloan. ©EFE

Espainiako Gobernuak eten egingo ditu funtsezkoak ez diren jarduera guztiak

Andoni Imaz

Sanchezek iragarri du funtsezkoak ez diren lanetan aritzen diren langileek etxean geratu beharko dutela martxoaren 30etik apirilaren 9ra. Ohiko soldata jasoko dute, eta lanorduak gero egingo dituzte, «mailaka». Komunikabideak funtsezkotzat jo ditu Sanchezek.

Nekazaritza da itxialditik salbuetsitako funtsezko jardueretako bat. ©IÑIGO URIZ / FOKU

Zeintzuk dira «funtsezko jarduerak»?

Ion Orzaiz

Elikagaien ekoizpenak, lehengaien garraioak, hedabideek eta osasun zerbitzuek orain arte bezala segituko dute apirilaren 9ra arte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna