Albistea entzun

Koronabirusa

Kasuak milatik gora dira

Otsailaren 6tik erregistratu den kutsatu kopururik handiena izan da asteazkenean Hego Euskal Herrian: 1.010 positibo zenbatu dira. Gaitzarekin eri ziren 30 pertsona zendu ziren joan den astean
Jendea maskarak jantzirik, Iruñeko Alde Zaharreko kale batean.
Jendea maskarak jantzirik, Iruñeko Alde Zaharreko kale batean. IÑIGO URIZ / FOKU Tamaina handiagoan ikusi

Uxue Rey Gorraiz -

2021eko apirilak 9

Kutsatuen kurba maldan gora da Hego Euskal Herrian, gero eta nabarmenago. Martxoko lehenbiziko astetik aitzina, datuek aski argi erakusten dute joera hori, eta, are, beste behin, azken bederatzi asteetan izandako daturik makurrena eman dute osasun agintariek. Nafarroako Gobernuak eta Eusko Jaurlaritzak jakinarazi dutenez, herenegun 13.449 test egin ziren Hegoaldean, eta 1.010 kasu positibo zenbatu ziren. Aurretik, egun bakarrean zenbatutako kasuek otsailaren 6an gainditu zuten milakoa azken aldiz.

Positiboen portzentajean ere kezkarako zio da azken egunotako zenbaketetan: asteazkeneko testen %7,5ek eman zuten positibo. Gainera, Nafarroan are larriagoa da datua: %9,2. OME Osasunaren Mundu Erakundeak %5ean du ezarria izurritea kontrolpean edukitzeko gehienezko muga.

Zehazki, kutsatuen datuak lurraldeka aztertuta, Bizkaian atzeman dute positibo gehien, beste behin ere. Osakidetzak 373 kasu zenbatu ditu herrialde horretan. Gipuzkoa du atzetik: 296 positibo izan dira han. Nafarroan, berriz, 222 kutsatu detektatu dituzte, eta Araban, 113.

Ospitaleen egoerari dagokionez, Hegoaldeko osasun agintariek jakinarazi dutenez, herenegun 78 pertsona sartu zituzten erietxeetara birusaren sintomak larriagoturik. Horiek aintzat harturik, orain 637 lagun daude ospitaleratuta. Otsailaren 19tik izandako kopururik handiena da hori. Zehazki, erietxeraturik direnetako 505 gela arruntetan daude; 132, berriz, ZIUetan daude.

Heriotza kopurua, apalago

Gaitzaren transmisioari buruzko informazioa ematen duten adierazleetan ez bezala, beheranzko joera nabaritzen ari da heriotzei buruzko datuetan. Azken astean 30 pertsona hil dira gaitzak jota Hego Euskal Herrian, hau da, martxoaren 29tik apirilaren 4ra bitartean. Zehazki, 29 hildako Araba, Bizkai eta Gipuzkoakoak dira. Nafarroan, berriz, heriotza bakarra izan da egun horietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Muxikan (Bizkaia), Undabaso eremuanlandatzen ari diren sailetako batzuk. ©OSKAR MATXIN / FOKU

Zerbait gertatzen ari da Undabason

Igor Susaeta

Tokiko ekosistemak eta bioaniztasuna leheneratzeko asmoarekin, Lurgaia fundazioak helburu du Urdaibaiko biosfera erreserbako harizti mistorik handiena sortzea. Dozena bat urteko lanaren ondoren, jada 163 hektarea kudeatzen ditu Muxikan, 'Undabaso' deitu dioten gunean. Hasiak dira eremu horretan prozesu ekologiko batzuk antzematen.
Itsasondo. ©Ariane Vierbücher

Lurra, interes publikoaren mesedetan

I. Susaeta

Itsasondoko Udala duela dozena bat urte hasi zen lursailak erosten. Alkatearen esanetan, «herritarrek erabiltzeko moduko mendiak» nahi dituzte. Etorkizunean lurrak izango duen garrantziaz ohartarazi du.
Guardia Zibila, kanpaldia egiten ari zirenengana gerturatzen. ©IÑIGO URIZ / FOKU

Kanpaldia egiten segitu nahi dute Aroztegiko proiektua gelditu arte

Irati Urdalleta Lete

Guardia Zibila hiru aldiz agertu da. Lekarozen elkarretaratzea egin dute, 228 etxebizitza, hotel bat eta golf zelaia eraikitzeko proiektua gelditzeko
Anbulantziak, Donostia ospitaleko larrialdietarako sarreran. ©GORKA RUBIO / FOKU

Ospitaleetako presioak ez du etenik, positiboen hazkundea apaldu arren

Ion Orzaiz

116 pertsona erietxeratu dituzte COVID-19ak jota, eta 182 gaixo larri daude ZIUetan. 985 kasu atzeman dituzte, eta positibo tasa %7,9 da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.