Jaurlaritzak bi milioi euro gehiago jarriko ditu ardogintza laguntzeko

AEBetako muga zergen aurrean euskal ardoek han eta beste merkatuetan duten presentzia indartu behar dutela uste du. Nafarroako elikadura industriara 7,9 milioi euroko kaltea lekarkete muga zergek
Garapen Ekonomikoko sailburua, atzo, mahastizainekin eta ardogileekin egindako bileran.
Garapen Ekonomikoko sailburua, atzo, mahastizainekin eta ardogileekin egindako bileran. JUANAN RUIZ / FOKU Tamaina handiagoan ikusi

Irune Lasa -

2019ko urriak 11

Ez dago itxaropen handirik. Gaur zortzi jarriko dira indarrean, urriaren 18an, AEBek Europako hainbat esportaziori iragarritako muga zergak, eta horien artean datoz euskal ardoen esportazioentzako %25eko igoerak. Mehatxua ezerezean uzteko aukera bakanak datorren asterako hitzartu diren azken orduko negoziazioetan daude, eta, batez ere, urriaren 14an Genevan (Suitza) Munduko Merkataritza Erakundearen egoitzan bi aldeek —AEBek eta Europako Batasunak— duten hitzorduan.

«Itxaron dezagun; ikusiko dugu zer gertatzen den datorren astean. Ez gaitezen hausnarrean ibili», esan zuen atzo Arantxa Tapiak, Eusko Jaurlaritzako Garapen Ekonomikoko sailburuak, hain zuzen, muga zergei buruz mahastizaintzaren eta ardogintzaren alorreko ordezkariekin bilera egin ostean.

Muga zergak izan edo ez izan, «zailtasun garaian» laguntza handiagoa emango diela esan die Tapiak ardogileei. Besteak beste, bi milioi euro gehiago jarriko ditu Jaurlaritzak, Europatik datozen merkaturatze eta nazioartekotze OCM laguntzak (4,5 milioi euro) jasotzen ez dituzten upategientzat. Ardoa Inbertsioak programa jada onartu du Gobernu Kontseiluak, eta asteartean argitaratuko da aldizkari ofizialean.

AEBak eta beste merkatuak

Arabako Errioxako ardoek eta txakolinek merkatuetan duten presentzia areagotu eta hedatu behar dutela uste du sailburuak, AEBetako merkatutik bertatik hasita. «Sektorearekin ados gaude ez dela utzi behar AEBetako merkatua; aldiz, han gure ardoen presentzia areagotu behar dela».

Horretarako, adibidez, Arabako Errioxako ardoak sartuko dira Caprice programan; AEBetako eta Japoniako merkatuak ditu helburu programa horrek, eta hiru txakolin sor-markak daude hor. Merkatu gehiagoren bila beste hainbat ekintza iragarri dizkio sektoreari Tapiak. Hala, bertako ardoek tokiko merkatuan leku handiagoa izateko elkarlanak bultzatuko ditu, adibidez, ostalaritza sektorearekin. Era berean, misioak ugaldu egingo ditu Jaurlaritzak, bai atzerriko azoketara joz, bai inportatzaileak ekarriz.

Ardoa Basque Wine Office bulegoaren sorrera ere iragarri zuen atzo sailburuak, upategiei kudeaketan, berrikuntzan eta nazioartekotzean laguntzeko xedea izango duena, eta Hazi fundaziotik zabalduko dena. Behatoki bat ere izango du bulegoak.

Rioja Taldeko buru Iñigo Torresek azaldu zuen neurri eta laguntza guztiak ongi etorriak izango direla. Hala ere, «motz geldituko dira» AEBek muga zergekin egin dezaketen kalte guztia leuntzeko».

Nafarroako ardogintza

AEBetako muga zergak bai, baina brexit-arekin etor daitezkeen kalteak are kezkagarriagoak dira ardogintzarentzat eta nekazaritzako beste alor batzuentzat ere. Itziar Gomez Nafarroako Gobernuko Nekazaritza Garapeneko kontseilariak atzo parlamentuan azaldu zuenez, brexit-ak 186 milioi euroko kaltea eragingo die herrialdeko elikagai industriako esportatzaileei.

Kopuru horri, orain, AEBen muga zergak gehitu zaizkie. Foru Gobernuaren arabera, ardogintzak nozituko du eragin handiena elikagai industrian, eta 4,5 milioi euroren kalteak izango ditu. Fruitu eta barazki zukuen esportazioek ere 1,8 milioi euroko kolpea jasango dute, eta milioi erdina euro oliogintzak eta gaztagintzak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna