Noiz sortua: 2019-11-30 00:30:00

Frantziako sindikatuek greba iraunkorra nahi dute, «ekonomia blokeatzeko»

Parisko gobernuaren pentsio erreformaren kontra aterako dira abenduaren 5ean. Greba orokorrera deitu dute, eta mobilizazio jendetsua espero dute
FSU, CGT eta FO sindikatuetako ordezkariak datorren asteko grebara deitzen, atzo, Baionan.
FSU, CGT eta FO sindikatuetako ordezkariak datorren asteko grebara deitzen, atzo, Baionan. BOB EDME Tamaina handiagoan ikusi

Ekhi Erremundegi Beloki -

2019ko azaroak 30

Azken urteetako mobilizazio jendetsuena izatea nahi dute, 1995eko pentsioen erreformaren kontrako protestaren heinekoa. Orduan, gibel egin zuen Frantziako Gobernuak; oraingoan ere lortuko dutela espero dute sindikatuek. Greba orokorrera deitu dute abenduaren 5erako, Emmanuel Macron Frantziako presidenteak ezarri nahi duen pentsio sistema berria salatzeko.

Ipar Euskal Herrian, Baionan eginen dute manifestazioa, 10:30ean, Lan Burtsatik abiatuta. CGT, FO eta FSU sindikatuek agerraldia egin zuten atzo, langileak parte hartzera deitzeko. Baikor daude, normalean mobilizatzeko ohiturarik ez duten enpresa batzuetan greba deialdiak egin dituztelako jadaneko. «Langile batzuen deiak ere izan ditugu, beren enpresan sindikaturik ez dagoela eta greba egiteko nola egin behar duten galdeginez», azaldu du Frederic Mauguy CGTko kideak. Azken asteetan, enpresaz enpresa aritu dira, langileak informatzeko eta grebara deitzeko.

«Denak galtzaile»

Sindikatuen arabera, lehentasuna ez da pentsio sistema aldatzea, hura diruztatzeko moduaz gogoetatzea baizik. Funtsean, Frantziako Gobernuaren zinezko asmoa pentsioen heina apaltzea dela diote. François Fillon Frantziako lehen ministro zenaren hitzak oroitarazi ditu Herve Larrouquert FO sindikatuko departamentuko idazkariak: «Puntu- tako erretiroa pentsioen heina apaltzeko da», adierazi zuen hitzez hitz.

Cecile Sendarain FSU irakaskuntzako sindikatuko eledunak uste du sistema berriarekin sektore guzietan galduko dutela. «Guretzat galera ikaragarria da». Egin dituzten simulazioen arabera, erreformaren ondorioz hilabetero mila euro galduko lituzkete irakasleek. «Gerla deklarazio bat da!».

Denek aitortzen dute zaila izanen dela, baina epe luzeko mobilizazio bat iragarri dute. Sektore batzuetan —garraioan adibidez—, 6an eta 7an ere grebarekin jarraitzeko asmoa erakutsi dute, eta sindikatu gehienek bilerak eginen dituzte 5eko gauean, segida erabakitzeko. Ez dute baztertu bestelako blokeatzeko ekintzak ere egitea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna