Jaurlaritzak etxeko langileen inguruko ikerketa egingo du

Eusko Legebiltzarrak aho batez eskatu dio Eusko Jaurlaritzari etxeko langileen egoeraren inguruko ikerketa bat egin dezan. Langileen beharrak zeintzuk diren aztertuko dute, baita enplegatzaileenak ere. Ikerketa horretaz aparte, Legebiltzarrak, aho batez, beste bat eskatu dio Osalani, «kolektibo horren arazoaren dimentsioa zenbatekoa den» neurtzeko. Egoera hori bideratzeko hartu beharreko neurriak ere zeintzuk izan beharko luketen neurtzeko eskatu diote ikerketa horretan Legebiltzarreko talde guztiek Osalani. Bederatzi hilabeteren buruan aurkeztu beharko dituzte ikerketa horiek.