Albistea entzun

Frantziako Tourra

Taldearen Tourra biribildu du

Cristophe Laportek irabazi du Frantziako Tourreko hemeretzigarren etapa. Esprinterrak laguntzailerik gabe gelditu dira, eta frantziarrak ezustekoa eman du. Erlojupekoa izango da gaur
Christophe Laporte Jumbo-Visma taldeko txirrindularia, atzo, Tourrean lortutako garaipena ospatzen.
Christophe Laporte Jumbo-Visma taldeko txirrindularia, atzo, Tourrean lortutako garaipena ospatzen. GUILLAUME HORCAJUELO / EFE Tamaina handiagoan ikusi

Beñat Mujika Telleria -

2022ko uztailak 23

Dena ateratzen ari zaio ondo Jumbo-Vismari. Jonas Vingegaard liderrak Hautacamen erakustaldia eman eta gero, Cristophe Laporte izan zen garaile atzo. Ezustekoa eman zuen frantziarrak, eta argi utzi zuen Herbeheretako taldea dela tropeleko indartsuena. Azken horrekin,bost etapa irabazi ditu taldeak, beste inork baino gehiago. Vingegaardek eta Van Aertek bi etapa irabazi dituzte; Laportek, berriz, lehenengoa irabazi zuen atzo. Arazorik ezean, Vingegaardek biribilduko du taldearen lana bihar, Parisen. 3.26ren aldearekin aurre egingo dio gaurko erlojupekoari.

Ikusi beharreko gehienak ikusita aurre egin zioten txirrindulariek hemeretzigarren etapari. Egunak ez zuen aparteko zailtasunik, eta saihetsetik jo zezakeen haizea zen ziklisten beldurrik handiena. Bestalde, Enric Masek, Movistar taldeko liderrak, COVID-19an positibo eman zuen goizean egindako proban, eta lasterketa utzi zuen, noiz-eta hura amaitzeko hiru egun gelditzen zirenean. Movistarrek ez du denboraldi ona egin orain arte, eta UCI World Tour mailatik ez jaisteko lehian ari da.

Zenbait txirrindulari saiatu ziren eguneko ihesaldian sartzen, eta, azkenerako, lauk aurre hartu zioten tropel nagusiari. Hala ere, esprinterren taldekideek ez zieten bidea egiten utzi, eta minutu ingururen aldea besterik ez zuten izan. Besteak beste, lau txirrindulari ziren etapa irabazteko faboritoak: Jasper Philipsen (Alpecin), Fabio Jakobsen (Quick-Step), Dylan Groenewegen (Bike Exchange) eta Caleb Ewan (Lotto Soudal). Garaipena haien artean jokatzeko hautua egin zuten taldekideek, eta ziztu bizian egin zuten eguna.

Helmugarako 48 kilometro falta zirenean, Quinn Simmons (Trek) gelditu zen aurrean. Tropelak erritmo bizian jarraitu zuen, eta talde nagusia bi zatitan banatu zen. Hala ere, atzekoek ez zuten arazo handirik izan aurrekoekin batzeko, eta, denak elkarrekin zirela, berehala harrapatu zuten Simmons. Beste saiakera batzuk ere egin zituzten zenbait txirrindularik talde nagusitik ihes egiteko, eta, 30 kilometro gelditzen zirenean, hirukote bat aurreratu zen.

Tropelak gogotik sufritu zuen lehen taldetxoa harrapatzeko, eta, azken kilometroan, haien gainean zeudenean, Laportek erasoa jo zuen. Esprinta bideratzeko laguntzailerik gabe gelditu ziren tropeleko txirrindularirik bizkorrenak, eta ez zen inor joan haren gurpilean. Frantziarrak irabazi zuen etapa, eta taldearen lasterketa biribildu zuen.

Ezer gutxi jokoan

Parisera iritsi aurretik, 40 kilometroko bakarkako erlojupekoari aurre egin beharko diote gaur txirrindulariek. Ez dago mendate handirik, eta oso zaila izango da Vingegaardek maillot horia galtzea, 3.26ren aldea baitago Tadej Pogacarren(UAE) eta liderraren artean. Biak moldatzen dira ondo bakarkako saioetan. Lehenengo etapan, 13 kilometroko erlojupekoan, Pogacar zortzi segundo bizkorrago aritu zen. Bestalde, hirugarren posturako lehian, Geraint Thomasek (Ineos) 3.05en aldea ateratzen dio David Gauduri (FDJ), eta 2018ko Tourreko garaileak bere esku dauka podiuma.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Mendian arriskua kudea dezakezu, baina ezin duzu desagerrarazi»

Jon Artano Izeta

Mendi gidaria da, eta gidarigaien irakaslea. 30 urte daramatza Huarazen, Peruko Mendikate Zurian, eta ezagun du. 'Pucha', 'cachuelo', 'chibolo'... Ande-kontrako gaztelaniaren hitzak darabiltza, eta hango airea ere badu haren jardunak: 'empesar', ahoskatzen du, 'haser'... «Euskalperutarra» dela dio; herrialdeko mendigoizalerik onena dela esan izan dute hangoek.
Gai dela berretsi du

Gai dela berretsi du

Jon Ander De la Hoz

Julen Alberdi 'Txikia IV.a'-k estreinakoz irabazi du Urrezko Kopa, Iker Vicenteri eta Mikel Larrañagari aurrea hartuta: «Lan exijentea izan zen».

Nacho Monreal jokalaria, 2021eko irudi batean. ©Javier Etxezarreta, EFE

Nacho Monrealek futbola utziko du

Uxue Rey Gorraiz

«Garai bat bukatu da. Beste bat hasi. Zoriontsu naiz», azaldu du futbolari nafarrak sare sozialetan zabaldutako mezu batean. Hamasei urte egin ditu futbol profesionalean; Osasunan eta Realean horietako hainbat.

 ©NADETH AGIRRE

«Gure arraun egiteko erari eustea izan da arrakastaren gakoa»

Julen Etxeberria

Oriok hirugarrenez irabazi du Euskotren liga, baita Nadeth Agirrek ere. Baina gehiago nahi dute. «Zarautzen irabazi nahi dugu, lana biribiltzeko. Gero, Kontxan nagusitu nahi dugu».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Beñat Mujika Telleria

Informazio osagarria

Iruzkinak kargatzen...