Albistea entzun

Nafarroako VWek ez du espero heldu den urtean ekoizpena asko handitzea

2021ean 255.000 auto ekoiztea aurreikusi du; koronabirusaren krisiaren ondoren aurtengorako iragarritakoaren antzeko kopurua da. Landabengo planta 36 egunez itxi behar izatea eragingo luke
Volkswagenen auto lantegia, Iruñeko Landaben poligonoan, artxiboko irudi batean.
Volkswagenen auto lantegia, Iruñeko Landaben poligonoan, artxiboko irudi batean. IDOIA ZABALETA / FOKU Tamaina handiagoan ikusi

Imanol Magro Eizmendi -

2020ko azaroak 20

Nafarroako Volkswageneko zuzendaritzak ez du uste 2021ean sektorea aurrekora itzuliko denik, eta, ondorioz, 255.303 auto ekoiztea aurreikusi du hurrengo urterako. Koronabirusaren krisiaren ondoren aurtengorako eginiko iragarpenaren antzekoa da. Krisiaren aurretik, 2020an 306.000 auto ekoiztea espero zuen, baina pandemiaren eraginez 246.000 izango zirela erabaki zuen (-%17). Are urrunago gelditzen dira 2019an ekoitzi zituzten 320.000 autoak: %21 gehiago. Eta nola eragingo lioke horrek enpleguari? Bada, ohiko erritmoarekin jarraituz gero, 36 egunez itxi beharko lukete Landabengo planta.

VWeko langile batzordeak harriduraz hartu du iragarpena, eta, Alfredo Morales (UGT) presidentearen arabera, «zuhurregia» da. Izan ere, azaldu duenez, oraindik ez dakite zehazki zenbat auto ekoitziko dituzten aurten. Dena den, baikor dago, eta hurrengo urtean kopuru hori handituko dutela uste du. Izan ere, aurreikuspen horiek egitean, enpresak etor daitezkeen hornikuntza arazoak hartu ditu kontuan. Egun badituzte arazoak hornitzaileekin, eta, horren ondorioz, lantegia itxiko dute gaur eta astelehenean. Zehazki, motorrak eta aldagailuen kutxak falta zaizkie. Aldiz, hornikuntza arazo horiek konponduko balira kopurua handituko litzakeela uste du Moralesek. Dioenez, bezeroak egon badaude, eta 2021aren hasieran egingo lituzkete eskaera berriak.

Langile batzordearen gehiengoak —UGT, CCOO, ELA eta CCP— enpresaren arrazoiak ulertu dituela dirudi, eta aldi baterako erregulazio txostena 2021erako ekainaren 30era arte luzatzea onartu du. Aurtengo apirilean sinatu zuten, eta akordio horrek neurriak hartzea erraztuko dio enpresari. Batzordearen ustez, baina, akordioak «lanabesak» ematen dizkie langileei ekoizpenik gabeko egunei aurre egiteko. Aurreikuspena ez da ona, baina eguneroko erritmoa ez apaltzea albiste ona da behin-behineko langileentzat. «Guztiak deituko dituztela uste dugu», aurreratu du Moralesek, «erritmo berari eusteko egungo langile kopuru bera behar dugulako».

Antzeko egoeretan, Nafarroako VWek ostiralak aukeratu izan ditu planta ixteko, eta sindikatuek, oraingoan, astelehenekin tartekatzeko eskatu dute. Era berean, egun hauek industria jardunaldi izendatu ditzala nahi dute: uztailaren 5a, 15a eta 16a, sanferminen bueltan; eta abuztuaren 19a eta 20a. Horrela, egun horiek 36 itxiera egunen multzoan sar daitezke.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Naval Sestaoko ontziolako sarrera. Bertan biltegi nagusia ikus daiteke eta atzean garabi erraldoi ikonikoak. ©ARITZ LOIOLA / FOKU

Navaleko hesia: ireki edo eraitsi

Imanol Magro Eizmendi

Sestaoko ontziolako ondasunak erosteko eskaintzak egiteko epea bihar eguerdian bukatuko da. Lehen ondasun sorta da garrantzitsuena, lurzorua eta azpiegitura industrial osoa bateratzen duena. Industriako inbertitzaile batek eskuratzen badu, ontzigintza jarduna berpizteko aukera egon daiteke.
Zergadunak, Gipuzkoako Ogasunaren bulego batean, iazko udaberrian. ©JUAN CARLOS RUIZ / FOKU

Gipuzkoako zergadunen erdiek autolikidazioa ikusi ahal izan dute hil honetan

Xabier Martin

Zergadunen erdiek baino gehiagok jasoko dute etxean errenta zerga egiteko ogasunaren proposamena. Apirilean onartu ahalko dute
Paolo Gentiloni EBko Ekonomia komisarioa, gaur, Bruselan. ©Olivier Hoslet / Efe

Bruselak ez du nahi gerrikoa 2022an estutzea

Iker Aranburu

«Iraganeko akatsak» berriro ez egiteko eta gastu publikoaren bidez ekonomia laguntzen jarraitzeko aholkatu die estatukideei. Maiatzean hartuko du aurrekontu arauei buruzko azken erabakia

Arantxa Tapia, Hidrogenoaren Eusak Korridorearen aurkezpenean. ©MONIKA DEL VALLE / FOKU

Tapiak «gardentasuna» exijitu dio Madrili Europako funtsak banatzeko

Xabier Martin

Eusko Jaurlaritzak ez daki Espainiako Gobernuak nola banatuko dituen Hurrengo Belaunaldia funtsak, eta kezkaturik dago, «agian ez direlako izango hain eraldatzaileak diren proiektuetarako».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna