Albistea entzun

Frantziako Tourra

Tourraren gozoa dastatu du

Hugo Houlek irabazi du Frantziako Tourreko hamaseigarren etapa, aurreko taldetik ihes eginda. Tadej Pogacar urrunetik saiatu da Jonas Vingegaard atzean uzten, baina hark aise erantzun dio
Hugo Houle, emozionatuta, Frantziako Tourreko lehenengo garaipena zendutako anaiari eskaintzen.
Hugo Houle, emozionatuta, Frantziako Tourreko lehenengo garaipena zendutako anaiari eskaintzen. YOAN VALAT / EFE Tamaina handiagoan ikusi

Beñat Mujika Telleria -

2022ko uztailak 20

Asko dira hiru itzuli handietan garaipenik lortu gabe erretiroa hartzen duten txirrindulariak. Hugo Houlek (Israel) Frantziako Tourreko lehenengo etapa garaipena lortu zuen atzo. Gaztetan istripu batean hil zen anaiari eskaini zion garaipena, eta hatza zerura begira zuela sartu zen helmugan. Ihesaldian zegoela aurre hartu zuen, eta helmugarainoko bidea bakarrik egin zuen. Kanadar baten bigarren etapa garaipena ere bada Tourrean, eta quebectar baten lehena. Jonas Vingegaard da lider oraindik, Tadej Pogacarren (UAE) mugimenduei aise erantzun eta gero.

Txirrindulariek 178 kilometroko ibilbidea egin zuten, Carcasonatik Foixera. Lau mendate igo zituzten; azken biak lehenengo mailakoak. Bero handiari ere aurre egin behar izan zioten, beste behin ere. Eguneko ihesaldian 29 txirrindulari sartu ziren, baina Port de Lersen (11,4 kilometro, eta %7ko pendiza) gora egindako mugimenduek asko murriztu zuten taldea. Tropelak lasai hartu zuen etaparen lehen zatia, eta zortzi minuturen atzerapenarekin iritsi ziren mendatera.

Enric Mas eta Movistar urrunetik saiatu ziren zuhaitza astintzen. Bi morroirekin batera, tropeletik aurrera egin zuen Masek, eta minutu baten aldea ere lortu zuten. Hala ere, Pogacarrek Port de Lerseko igoeran bi eraso jo zituen, eta zapuztu egin zuen Movistarren saiakera. Vingegaardek arazorik gabe eutsi zion esloveniarraren saiakerari, baina talde nagusian hamabost txirrindulari bakarrik gelditu ziren. Aldapan behera ere saiatu zen Pogacar, baina talde nagusiarekin batera egin zuen jaitsiera.

Eguneko azken mendatea Mur de Peguere izan zen (9,4 km, %7,9), eta aurrean Houle bakarrik aritu zen, ihesean. Atzean, hura harrapatu nahian abiatu ziren Michael Woods taldekidea eta Matteo Jorgenson (Movistar). Hala ere, bakarrik amaitu zuen mendatea, eta jaitsiera bihurriari ekin zion orduan kanadarrak. 25 segundoren atzerapenarekin hasi zuen jaitsiera atzeko bikoteak.

Talde nagusian, Rafal Majkak (UAE) jarri zuen erritmoa azken mendatean, eta asko gelditu ziren atzean. Sepp Kussek (Jumbo-Visma) beste astindu bat eman zion talde nagusiari, eta lau txirrindulari bakarrik gelditu ziren Kussekin batera: Vingegaard liderra, Pogacar, Nairo Quintana (Arkea). Pogacarrek ez zuen eraso bat bera ere jotzeko imintziorik egin, eta elkarrekin iritsi ziren mendatearen gainera. Geraint Thomas (Ineos), berriz, jaitsieran batu zen oilarren taldera.

Aurrean, Houlek bakarrik egin zuen beherako bidea, eta atzetik jarraika zeukan Jorgenson erori egin zen. Aldea handitzeko baliatu zuen hori Houlek, eta hark irabazi zuen etapa. Israel taldeak bigarren garaipena du aurtengo Tourrean. Talde nagusikoek elkarrekin egin zuten jaitsiera, eta halaxe heldu ziren helmugara.

Min egiteko aukera, gaur

Kolpe gogorra izan zen atzokoa Pogacarrentzat. Urrutitik saiatu bazen ere, ez zuen liderra gurpiletik atera ere egin, eta azken mendatean erasoa jotzeko indarrik ere ez zuen izan. Vingegaard indarberrituta irten zen atzoko etapatik, eta datozen bi egunei sasoi betean egingo die aurre danimarkarrak.

Pirinioetan bigarrenez arituko dira gaur txirrindulariak, eta min egiteko beste aukera bat izango du Pogacarrek. Peyragudesen amaituko da etapa (8,1km, %7,2). Aurretik, ordea, lehenengo mailako bi mendate eta bigarren mailako mendate bat igo beharko dituzte. Vingegaardek 2.28ren aldearekin ekingo dio gaurko etapari, baina egun txar bat nahikoa da Tourra hankaz gora jartzeko. Horretaz asko daki Pogacarrek berak, eta atseden egunean aitortu zuen «gelditzen diren mendate guztietan» mugitzeko asmoa daukala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Mendian arriskua kudea dezakezu, baina ezin duzu desagerrarazi»

Jon Artano Izeta

Mendi gidaria da, eta gidarigaien irakaslea. 30 urte daramatza Huarazen, Peruko Mendikate Zurian, eta ezagun du. 'Pucha', 'cachuelo', 'chibolo'... Ande-kontrako gaztelaniaren hitzak darabiltza, eta hango airea ere badu haren jardunak: 'empesar', ahoskatzen du, 'haser'... «Euskalperutarra» dela dio; herrialdeko mendigoizalerik onena dela esan izan dute hangoek.
Gai dela berretsi du

Gai dela berretsi du

Jon Ander De la Hoz

Julen Alberdi 'Txikia IV.a'-k estreinakoz irabazi du Urrezko Kopa, Iker Vicenteri eta Mikel Larrañagari aurrea hartuta: «Lan exijentea izan zen».

Nacho Monreal jokalaria, 2021eko irudi batean. ©Javier Etxezarreta, EFE

Nacho Monrealek futbola utziko du

Uxue Rey Gorraiz

«Garai bat bukatu da. Beste bat hasi. Zoriontsu naiz», azaldu du futbolari nafarrak sare sozialetan zabaldutako mezu batean. Hamasei urte egin ditu futbol profesionalean; Osasunan eta Realean horietako hainbat.

 ©NADETH AGIRRE

«Gure arraun egiteko erari eustea izan da arrakastaren gakoa»

Julen Etxeberria

Oriok hirugarrenez irabazi du Euskotren liga, baita Nadeth Agirrek ere. Baina gehiago nahi dute. «Zarautzen irabazi nahi dugu, lana biribiltzeko. Gero, Kontxan nagusitu nahi dugu».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Beñat Mujika Telleria

Informazio osagarria

Iruzkinak kargatzen...