Noiz sortua: 2019-08-30 00:30:00

Biak, nork hautsiko

Athletic eta Reala berdinduta iritsi dira derbira. Txuri-urdinek azken hirurak irabazi dituzte. Zuri-gorriek hamabost partida daramatzate ligan etxean galdu gabe

Jon Ander De la Hoz -

2019ko abuztuak 30
Beti dira bereziak Athleticen eta Realaren arteko derbiak. Partida biziak izan ohi dira, lehiatuak, eta gaurkoa sasoi hasieran izateak ez du ezaugarri hori ezabatuko. Bi taldeak berdinduta iritsi dira ligako hirugarren jardunaldira. Launa puntu dituzte sailkapenean, eta berbera dute sartutako eta jasotako golen kopurua: bi egin dituzte, eta bakarra jaso.

Jokoan diren hiru puntuak eskuratu eta berdinketa hori haustea dute helburu zuri-gorriek eta txuri-urdinek gaur iluntzean, San Mamesen. Horretarako, nor bere aldeko estatistikei eutsi nahian ariko da. Athleticek hamabost partida daramatza ligan etxean galdu gabe, eta horri jarraipena eman nahi dio Realari irabazita. Hain justu, donostiarren aurka galdu zuten azkeneko aldiz, iragan urrian, aurreko sasoiko lehen itzuliko norgehiagokan (1-3).

Realak, berriz, bilbotarren aurkako bolada onari eutsi nahi dio. Imanol Alguacilen taldeak joan zen sasoiko bi partidak irabazi zizkion Athletici, eta asmo berarekin joango da Bilbora. Azken hiru derbietan nagusi izan dira txuri-urdinak, eta inoizko boladarik onena berdindu dezakete gaur hiru puntuak eskuratuta.

Azken hiru derbietan nabarmendu egin da Mikel Oiartzabal, gola egin baitu guztietan. Okerrik ezean, gaurkoan ere hasieratik ariko da eibartarra. Imanolek eskura ditu jokalari gehienak, eta litekeena da aurreko bi jardunaldietan ezarritako hamaikakoa errepikatzea. Prestatzaile oriotarrak garaipena besterik ez du buruan: hala ere, Athletic faboritotzat jo du, «etxean» ariko delako eta hamabost partida daramatzalako ligan etxean galdu gabe. Baina hori esan eta berehala gogoratu zuen Reala izan dela San Mamesen irabazi duen azken taldea. «Irabaztera goaz, eta jokalariak sinetsita daude emaitza ona lor dezakegula».

Helburu bera du Garitanok ere: irabaztea. «Partida berezia da, eta guztiok nahi dugu irabazi. Etxean ariko garra, eta indartsu sentitzen gara. Hala ere, oso neurketa zaila izango da, aurkari handia izango baitugu. Oso ondo egin beharko ditugu gauzak nagusitzeko». Athleticen, osatu egin da Iñigo Cordoba, eta jokatzeko aukera izan lezake, baita Iñigo Martinezek eta Unai Lopezek ere. Bi prestatzaileek dituzten baliabide guztiak jarriko dituzte irabazteko; derbiaren karga sinbolikoa eta berdinketa haustea dituzte saritzat.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna