Lehenengoan ezezkoa jaso du

ACB ligako klubek ez dute GBC onartu txapelketan. Asteartean bilera dute GBCk, Kirol Kontseilu Nagusiak, Federazioak eta ACBk. Gipuzkoarrek berretsi dute baldintza guztiak betetzen dituztela
Gipuzkoa Basketek duela bi sasoi jokatu zuen azken aldiz ACBn.
Gipuzkoa Basketek duela bi sasoi jokatu zuen azken aldiz ACBn. JUAN CARLOS RUIZ / FOKU Tamaina handiagoan ikusi

Ainara Arratibel Gascon -

2020ko uztailak 24

Gipuzkoa Basketentzat ez da sekula erraza izan ACB ligara bueltatzeko bidea. Aurreko aldietan ere zailtasunak izan zituen, batez ere baldintza ekonomikoak betetzeko. Oraingo honetan ere jakitun zegoen bidea nekeza izango zela, batez ere, aurrekoetan ez bezala, ACBko klubek ez dutelako nahi datorren denboraldian ligan beste bi klub egotea eta 20 taldekoa izatea. Hala, atzoko batzarrean Donostiako taldea onartzearen aurka bozkatu zuten, nahiz eta baldintzak bete. Hemezortzi klubetatik hamazazpik bozkatu zuten onartzearen aurka, eta bakarrak alde. «Bileran parte hartzera gonbidatu ez gintuztenetik, espero genuen hala izatea», adierazi zuen Nacho Nuñezek, Gipuzkoa Basketeko presidenteak.

Baina erabakia ez da behin betikoa. Duela egun batzuk, Gipuzkoa Basketek argi utzi zuen ez zuela amore emateko asmorik, eta bere eskubideak defendatuko dituela, eta babesa eskatuko duela horretarako eskumena duten erakundeetan. Beharrezkoa bada, gainera, ez du baztertzen auzitara jotzea.

Auzia maiatzaren 25ean hasi zen. Egun horretan, koronabirusaren pandemia dela eta, Espainiako Saskibaloi Federazioak erabaki zuen amaitutzat ematea Urrezko LEB liga, eta orduan igoera postuetan zeuden bi taldeek izatea ACBra igotzeko aukera. Betiere horretarako baldintzak betez gero.

GBCk berehala eskatu zion ACBri igotzeko bete beharreko baldintzen eta agirien berri emateko. Baina ez zituen jaso ekainaren 13ra arte, ia hiru aste geroago arte. Baina GBCk epe barruan aurkeztu zuen datorren sasoian ACBn jokatzeko eskaria, uztailaren 15ean.

GBCk argi du baldintza guztiak betetzen dituela. Duen beste heldulekua da Espainiako Federazioak ACBrekin duen hitzarmena. Horrena arabera, Urrezko LEBetik bi igoera izango lirateke, klubek baldintzak batez gero.

Asteartean izango du egoera aldatzeko lehen aukera. Izan ere, egun horretan bilera egingo dute ACBko, Espainiako Saskibaloi Federazioko, Kirol Kontseilu Nagusiko eta Gipuzkoa Basketeko ordezkariek, Madrilen. «Bilera horren zain egon behar dugu, betiere jakitun izanda zenbat eta denbora gehiago pasatu egoera orduan eta zailagoa dela. Baina guk agindutakoa bete dugu, eta alde horretatik baikor naiz».

Gipuzkoa Basketek Espainiako Federazioaren babesa du. Jorge Garbajosa presidentea argi mintzatu zen:«Igoerak ez dira akordio kontu bat. Hitzarmen bat dago, eta bete egin behar da. Bakoitzak soilik bere interesei erreparatzen badie, arazo bat dugu».

ACBk 20 taldeko liga bati ezezkoa esateko argudioa da egutegia oso betea dagoela jada, eta ekonomikoki ez dela bideragarria. Kluben artean Baskoniako presidente Josean Kerejeta izan da jarrera hori sendoen eta argien defendatu dutenetako bat, eta ACBko presidente Antonio Martinek argi azaldu zuen jarrera. «Prest gaude hitz egiteko, baina gu hemezortziko liga baten aldekoak gara. Ligari sendotasuna eta sinesgarritasuna eman nahi dizkiogu, eta hogeiko liga bat arazo handia litzateke».

Akordiorik lortu ezean, Kirol Kontseilu Nagusiak esku hartuko duela iragarri zuen Irene Lozano estatu idazkariak, eta, alde horretatik, ikusi beharko da zer jarrera hartzen duen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Paziente bat, ZIUan, osasuneko profesional baten arta jasotzen. ©Andoni Lubaki / Foku

Kutsatzeen katea ez da eten, eta goia jo du ospitalean daudenen kopuruak

Arantxa Iraola - Maddi Ane Txoperena Iribarren - Irati Urdalleta Lete

Nafarroan bigarren olatuko kutsatu kopururik handiena izan dute (578), eta Gipuzkoako kutsatze tasa 500 kasutik gorakoa da jada. Murrizketak Iparraldean ere: ostatuek 22:00etarako itxi beharko dute

Antigorputzak atzemateko testak, artxiboko irudi batean; immunitate sistemaren erantzuna neurtzen dute. ©ROBERT GHEMENT / EFE

Gaitzei aurre egiteko ahalmena

Arantxa Iraola

Sendo behar da immunitate sistema eritasunei aurre egiteko; izurriak lehen lerrora ekarri ditu gorputzaren babes mekanismoei buruzko jakingarriak. Aldagai askok eragiten dute

 ©ENRIC FONTCUBERTA / EFE
Iruñeko taberna atari bat, atzo. ©JESUS DIGES / EFE

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna