Noiz sortua: 2019-05-23 00:30:00

Emakumeen Bira

Aukera ez du alferrik galdu

Jolien D'Hoorek irabazi du Emakumeen Birako lehen etapa, esprintean, Iurretan. Amanda Spratt iazko garaileak sei segundo pilatu ditu gainsarietan, eta sasoi betean dagoela berretsi du
Julien D'Hoore, eskuak zabalik, garaipena ospatzen, atzo, Iurretan.
Julien D'Hoore, eskuak zabalik, garaipena ospatzen, atzo, Iurretan. JAIZKI FONTANEDA / FOKU

Ainara Arratibel Gascon -

2019ko maiatzak 23

Jolien D'Hoore (Boels Doelmans) da Emakumeen Birako lehen liderra, atzo Iurretan (Bizkaia) aurreneko etapa irabazi eta gero. Ez zen ezusterik izan, eta, espero bezala, esprintean erabaki zen etapa. Txirrindulari flandriarrak ez zuen huts egin, eta bizkorrena izan zen azken metroetan. Aise zabaldu zituen besoak, gainera, bere taldeak egindako lana ondo biribilduz. Bigarren izan zen Sofia Bertizzolo (Virtu), eta hirugarren Grace Elvin (Mitchelton).

D'Hoorekin batera, beste ziklista bat nabarmendu zen lehen saioan: Amanda Spratt (Mitchelton). Iazko garailea oso indartsu agertu zen atzoko etapan, eta berriz ere txapela janzteko asmotan datorrela berretsi zuen. Australiako taldeak lehen egunetik erakutsi du irabaztera etorri dela.

Eguneko bi tarteko esprintetatik aurreneko postuan igaro zen Spratt, eta sailkapen nagusiari begira oso baliotsuak izan daitezkeen sei segundo eskuratu zituen —horietan ere aurrean izan zen Ane Santesteban (WNT), eta bi segundoko gainsaria lortu zuen—. Gainera, Sprattek, Elissa Longo Borghinirekin (Trek) batera, ihesaldi ahalegina egin zuen. Bi txirrindulariok 30 segundoren aldea izan zuten etapa azken txanpan zela. Baina, azkenean, tropelak harrapatu egin zituen.

Antzera gertatu zitzaion Anna Plitchtari (Trek). Berak egin zuen eguneko ihesaldia. 30 bat kilometro egin zituen aurrean bakarrik. Lehen esprint berezia pasatu eta berehala egin zuen ihes. Bi minuturen aldea izan zuen, baina atzetik gogor egin zuten tira Boelsek eta Biehlerrek. Hala, eguneko lehen gaina igaro eta berehala zapuztu zuen tropelak haren ahalegina. Bero handia egin zuen atzo, eta hori eta laguntzarik ez izatea ordaindu zuen.

45 bat kilometro falta ziren orduan etapa amaitzeko, eta erritmoa bizitzen hasi zen. Horrek eragin zuen hainbat txirrindulari atzean geratzea. Orduan jo zuten erasoa Sprattek eta Longo Borghinik, baina Boels ez zegoen aukera alferrik galtzeko prest. Etapa esprintean amaitzea nahi zuen.

Aurretik, hala ere, Jelena Ericen (Alle Cipollini) ahalegina zapuztu behar izan zuen. Azken bost kilometroetan lasterketa kontrolpean izan zuen, eta etapak esperotako amaiera izan zuen Iurretan.

Gaur hasiko da zailtzen lasterketa. Tropela Gipuzkoako errepideetan ibiliko da, Tolosaldean, hain zuzen ere. Etapa Adunan hasiko da, eta Amasan bukatu. 110 kilometroko ibilbidea osatu beharko dute, eta bi gain igo: Altzokoa (1,7 km eta %6,7ko pendiza) eta Alkizakoa (4,4 km eta %4,5). 21. eta 62. kilometroetan izango dira, hurrenez hurren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Haur bat, jolas parke baten ondoan, Zarautzen. / ©Gorka Rubio, Foku

Espainiako Gobernuak eguneko udalekuak baimenduko ditu hirugarren fasean

Jon Ordoñez Garmendia

70 urtetik gorakoentzako ordutegiak desagertu egingo dira. Gehienez hogei pertsona elkartu ahal izango dira, baina ezingo da probintziatik atera oraindik.

Donostiako Zurriola hondartza, atzo. ©Gorka Rubio / FOKU.

Murgak dio ezin direla errepikatu hondartzetan ikusi diren irudiak

Maddi Ane Txoperena Iribarren

Jendea ez pilatzeko eta hondartzak modu «dinamikoan» erabiltzeko eskatu du Eusko Jaurlaritzako Osasun sailburuak. Era berean, galdegin du aisialdirako bada ez erabiltzea garraio publikoa «jende asko dagoenean».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Ainara Arratibel Gascon

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna