Etxekoen babesa baliatu nahi du Bera Berak Zugen aurka

Berria -

2019ko irailak 13
Asteburuan jokatuko du Super Amara Bera Berak EHF kopako lehen kanporaketa, Zug Suitzako taldearen aurka. Itxuraz, gainditzeko moduko aurkaria da. Gainera, Donostiako taldeak abantaila handia izango du, etxean jokatuko baititu kanporaketako bi neurketak: bihar, Donostian ariko da, Josean Gaska kiroldegian, 16:30ean hasita, eta etzi, Tolosan (Gipuzkoa), Usabal kiroldegian, 12:00etatik aurrera. Zug Suitzako txapeldunorde izan zen aurreko denboraldian. Bigarren izan zen liga erregularrean, eta Bruhl nagusitu zitzaion finalean. Europako lehiaketan, berriz, ez zuen pasatu EHF kopako lehen kanporaketa, Errusiako Zvezda Zvenigorodek kanporatu baitzuen. Zug kanporatuz gero, donostiarrek Corona Brasov Errumaniako taldea izango dute aurkari bigarren kanporaketan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna