Albistea entzun

EKOGRAFIAK

Biktimak

Amaia Garcia -

2022ko martxoak 10

Bihar martxoaren 11 izango da. Duela hemezortzi urte Madrilgo Atotxako tren geltokian eta Vallecas auzoko beste bi geltokitan atentatu latza gertatu zen. Egun horretan eskolara sartu baino lehenago irratian entzun nuen albistea, eta, eskolan geundela, atentatuaren atzean ETA egon zitekeen susmoa airean zegoen. Etxera bazkaltzera joan ginenok albistegia ikusi genuen. Bertan, ETA izan zela jaso genuen, eta sinistu genuen. 15 urteko nerabeen arteko eztabaida ez dizuet azalduko, baina desinformazioaren joko zikinean erori, eta gezurra jan genuen.

Espainiako Alderdi Popularra gezur hori martxoaren 14ra arte luzatzen saiatu zen. Egun horretarako Espainiako bozak antolatuak zituzten, eta argi zuten atentatua ETAk egin izan balu hauteskundeak irabazteko aukerak handituko zirela; aldiz, atentatuaren atzean islamiar terrorismoa bazegoen, hauteskundeak galtzeko aukera zegoen. Egoera horrek biktimak ahaztea eragin zuen. Madrilen hildakoen eta zaurituen familiak drama latza bizitzen ari ziren bitartean, politikariek atentatuaren egiletzaren inguruan eztabaidatzen zuten.

Honen inguruan mintzo da 11M (Netflix) dokumentala. Biktimen testigantzak jasotzen ditu, eta egun horretan bizitakoa kontatzen dute. Bertan, Aznarren gobernuaren azpijokoak agerian geratzen dira. Horretarako, egun horretan albistearen atzean egon ziren kazetariekin hitz egin dute, besteak beste Abc-ko Jose Antonio Zarzalejosekin eta El País-eko Jesus Ceberiorekin. Biek egun horietako akatsak onartzen dituzte, eta Ceberiok argi dio egun horretan argitara eraman zuen izenburuaz damutzen dela.

Bihar Prime Videon El Desafio: 11M dokumental saioa estreinatuko dute. Telesaila ikusi dut, eta desberdintasunak aurkitu ditut bien artean. Garrantzitsuena Aznarren presentzia izan da. Netflixeko dokumentalari ezetz esan zion bitartean, Prime Videoko telesailean haren testigantza jasotzen da. Bi dokumentalek biktimei garrantzia eman nahi diete, baina Netflixekoan benetako omenaldia egiten zaiela deritzot. Aldiz, Prime Videon atentatuaren epaiaren balioa zalantzan jartzen dituzten ahotsak jasotzen dira; besteak beste, Pedro J Ramirez eta Federico Jimenez Losantos agertzen dira. Gezurrak aireratu dituztenen testigantzak jasotzea biktimen saminari bizkar ematea ere bada.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.

 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...