Albistea entzun

IRLEN SAREA

Maitasun sinplifikatuak

Gorka Julio -

2021eko ekainak 12

Maitasuna sentimendu abstraktu eta unibertsala modu desberdinean bizitzen dugun arren, sinplifikatzeko joera dugu. Antzina, greziarrek maitasuna zer den eta gizakiek nola bizi zuten ulertzeko eta azaltzeko modu desberdinak definitu zituzten. Gaurko jendartean, teknologiari lotutako komunikazioaren bidez maitasun edo sentimenduen transmisioaren nolakotasuna aztertzea gai garrantzitsua da, gorroto orokortuaren hedapenaren aurrean.

Grezian, Erosek maitasun sutsua eta erotikoa irudikatzen zuen; Storgek, senide maitasuna, atsegina eta konprometitua; Philia, lagunen/kideen arteko maitasuna, hurkoarekiko maitasuna, on komuna bilatu eta errespetuaren, elkartasunaren, lankidetzaren, laguntasunaren bidez adierazia; Agape, aldiz, maitasun garbiena eta baldintzarik gabea bezala definitu zuten.

Gure elkarrekintza teknologikoak ikusita bakarrik, gure maitasun (eta gorroto) adierazpenak aztertuko bagenitu nolakoak lirateke? Ez naiz ni izango horiek kategorizatzera ausartuko dena.

Eros: gaueko azken momentuan, maitelagunari azken muxua bidaltzen diozunean. Ia oroitzen ez zaren garai bateko dei galdua edo Ruper Ordorikaren «Nor da gogoan daukazuna, nor da...», mezu hori. Beste batzuetan, lizunxeagoa.

Storge: ebakuntza baten aurretik edo ondoren senitarte edo kide maite bati berarekin zaudela adierazteko mezu hori. Zure pentsamendu hoberenak berarekin daudela adierazteko, mezu ia-erligiosoa, errezutik gertukoa. Ospitaleko ohe ondotik eskua heltzearen sentsazio bera duena.

Philia: Barruak mugitu dizkizun bilera militante baten osteko, zaintza mezua. Eztabaidatu ondoren zurekin eztabaidatu duen eta sentsazio txarrarekin gelditu den pertsonari helarazitakoa. Bere iritzia garrantzitsua dela adierazteko eta gaizki ulertuak sendatzeko mezua. Negarrari eutsi ezin diozun besarkada baten sentsazio bera uzten duena.

Agape: Mezu bat baino, ia konpromiso kontratu esplizitu edo inplizitua. Ez du zertan bizitza osorako izan behar, baina horrelakorik sentitu edo bidali baduzu, era batera edo bestera, bizitza osorako izan daitekeelako da. Maitasunetik asko du, baina konpromisotik gehiago akaso. «Hor egongo naiz» altruista bat, konprometitu bat, zure bizitza bera jokoan jartzen duen horietakoa.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

«Nahiago dut 'pailazo' dei nazaten, eta ez 'clown'»

«Nahiago dut 'pailazo' dei nazaten, eta ez 'clown'»

Iñaki R. Mendoza

Narices Nafarroako Emakume Pailazoen Nazioarteko Jaialdiaren lemazaina da Virginia Senosiain: «Berdintasuna eta aniztasuna landuko ditugu pailazogintzaren bitartez».
1 ©JAGOBA MANTEROLA / @FOKU

'Kearen unibertsitatean' ikasitakoak

Amaia Jimenez Larrea

Urte askoan Donostiako Tabakaleran zigarrogile izandako emakumeen bizipenak jasotzen ditu 'Kearen artxibogileak. Ibilbide bat Tabakaleratik' dokumentalak. Lan bat baino gehiago izan da zigarrogileentzat, euren etxea izango balitz bezala ikusten baitute eraikina.

Telesailean agertzen diren aktoreetako batzuk, atzo, Donostian egin zen aurkezpenean. ©EITB

'Itxaso' telesaila gaurtik aurrera egongo da ikusgai Primeran-en

Beñat Mujika Telleria

Zortzi atal ditu, eta Nerea Mazo, Jon Plazaola eta Itziar Atienza dira protagonista nagusiak
Maider Unda borrokalaria. / ©Jaizki Fontaneda, Foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.