Albistea entzun
Emakumeen aurkako indarkeriari ez
Emakumeen aurkako indarkeriari ez

EKOGRAFIAK

Bestelako entzierroa

Jokin Labaien -

2018ko uztailak 10

Andoni Egañak igandeko zutabean esan zigun orain arte sanferminetako entzierroak aitaren batean gertatzen zirela iruditzen zitzaiola. Larunbatean ikusi omen zuen aurtengo lehena, eta luze iruditu hura. Haren hitzak irakurri artean ez nintzen ohartu aurten nik ez dudala bakarra ikusi. Arraroa da hori nigan. Txikitan, etxean, udalekuetan, lanera joan aurretik, hainbat lekutan ikusi izan ditut, urtea joan eta etorri. Ohitura, nik uste, Olinpiar Jokoen edo gizonezkoen futboleko Munduko Koparen parekoa dela nigan: txikitako oroitzapen goxoak eta udara usaina ekarri izan dizkit. 2018an, itxuraz, inkontzienteak oroitzapen horiei uko egitera eraman nau, ohartu ere ez bainaiz egin ohiturari huts egin diodala.

Pentsatzen hasita, nahigabeko aldaketaren arrazoi bakarra bururatu zait: entzierroan, lehen, korrikalariengan jarri ohi nuela begia, haien ausardian eta merituan; orain, ordea, ezin dut burutik kendu zezenek arratsaldean izango duten azken krudela. Ez da berria sentsazio hori nigan, baina uste dut poliki-poliki ohitura aldatzera eraman nauela. Izan ere, atzo goizean, lanera abiatu aurretik, etxe azpiko tabernan kafea eskatu nuen. Bost minutu falta ziren entzierroaren ordurako. Kikara hartu eta tabernatik kanpora egin nuen. Eta, entzierroak iraun zituen bi minutu eta erdi horiek, pantailari begira zegoen zegoen jendeari so egin nituen. Langileak zereginak eten zituen, taberna betetzen zuten bezeroek hizketari utzi zioten, ai, ai, ai, eta ui, ui, ui... Tabernaren kanpoko kristaldegia oinezkoz bete zen, haien bidea une batez utzi eta pantailari begiratzeko.

Ez du alferrik egiten RTVEk sekulako erakustaldia. Entzierroaren ibilbideak dauzkan 875 metroetan, 27 kamera jartzen dituzte. Aurten, lehen aldiz, tirolina kamera bat jarri dute Santo Domingoko aldapan. Sarean, errealitate birtuala ere jarri dute lanean, ikus-entzuleen eskura. Hori dena, goizero, ordu eta laurdeneko zuzeneko emankizunarekin: entzierroa, erreportajeak, elkarrizketak, laburpenak, analisiak... Ez dakit nola ez zaidan askorik interesatzen kontatzeko daukatena, atzo ikus-entzuleen %71 haien emankizunari loturik bazeuden.

Agian, gaur, bihar, etzi eta etzidamu, tabernara inguratuko naiz, eta nire ikuskizun propioaz gozatuko dut, hainbesterainoko erakustaldia egin gabe.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Lagun talde bat Bilboko Pabiloi 6 antzeztokiaren aurrean, artxiboko irudi batean. ©MARISOL RAMIREZ / FOKU

Abandonutik ekosistemara

Amaia Igartua Aristondo

Hutsik dauden industria nabeak erabili dituzte artista batzuek kultur proiektuak sortzeko. Bilboko Zorrotzaurren, Pabiloi 6 da ereduetako bat. Guneon ekarpenak aletu dituzte 'Bigarren ekitaldia' filmean.
Jamalus Orion taldeko kideak League of Legends jokoaren norgehiagokan, atzo, Bilboko BAT dorrean. ©OSKAR MATXIN EDESA / FOKU

Gatazkaren zuzeneko kontaketa

Amaia Igartua Aristondo

Bilboko BAT dorrean League of Legends online bideojokoaren lehiaketa bat antolatu dute. Bataila jokoa da, baina futbol partida bat bezala kontatu dute, eta sarraskiak txalotu dituzte ikusleek.
Joseba Ossa, etxeko saunan. ©JON URBE / FOKU

Sauna, bizitzaren ardatz

Ane Insausti Barandiaran

Finlandian oso errotuta dago saunaren kultura, eta bai helduek eta bai gazteek eusten diote tradizioari. Euskal Herrian ere badira zaleak, eta esperientzia «sakona» dela diote. Hainbat ikerketaren arabera, ona da osasunarentzat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...