Albistea entzun

EKOGRAFIAK

Konfiantza eta boterea

Miren Manias -

2018ko uztailak 11

Theresa May Erresuma Batuko lehen ministroaren amaiera gero eta gertuago dagoela dirudi. Hogeita lau ordu baino gutxiagoko epean dimisioa aurkeztu dute haren gobernuko bi kidek: Boris Johnson atzerri ministroak atzo, eta igande gauean David Davis Brexit-erakoak. Ez dira, horregatik, ardura arrunta duten pertsonak, eta krisi sakona eragin dute kontserbadoreen alderdian. Johnsonek, gainera, honako hau ohartarazi nahi izan dio Mayri: «Brexit-aren ametsa hilzorian dago, beharrezko ez diren zalantza itogarrien erruz». Lehen ministroari bidalitako eskutitz batean azaldu du hori eta, ondotik, hedabideetan publikatu.

Gauza jakina zen Mayren gobernuko kideen artean desadostasunak zirela. Laburki esanda, nork bere modua hobetsi nahi duelako Europar Batasunetik irteteko. Hala ere, ezustekoa izan da lehen ministroarentzat. Mayk honela erantzun die Johnsonen adierazpenei: «Sentitzen dut —sorpresa txikia izan da— albiste hau jasotzea, ostiralean izandako bilera emankorraren ostean non proposamen xehea adostu zuen taldeak». Honek ere hedabideetan publikatu ditu bere hitzak eta bizkor bilatu gobernurako ordezkoak. Helburua da batasun irudia helaraztea eta ziurtatzea Jeremy Corbyn oposizioko liderra ez dela boterera iristen. Horretarako hogeita lau ordu baino gutxiago behar badira ere.

Laster amaituko dut Borgen (2010-2013) Danimarkako telesailaren lehen denboraldia, eta antz ugari ikusi ditut Erresuma Batuko egoera politikoarekin. Kasu honetan, ordea, ezustekoz bihurtzen da Birgitte Nyborg Danimarkako lehen ministro, eta koalizioan osatutako gobernuari eutsi behar dio. Herenegun ikusitako atalean, zehazki, gobernu taldeko kide batek eragindako eskandalu kasu bat kudeatu behar izan zuen. Areago, irtenbide bakarra dimisioa aurkeztea dela uste du Nyborgek. Kide horrek, baina, ez ditu nagusiaren aginduak beteko eta hedabideei deituko die, azalpenak ematen saiatzeko.

Zer da gobernu bat kideen arteko konfiantzarik gabe? Horretan datza boterea. Bistan da Danimarka eta Erresuma Batua ez daudela oso urrun botere politikoa kudeatzeko garaian. Koalizio gobernuko nahiz alderdi bereko kideak izan, boterean dauden bi emakumek aurre egin behar diete iritzi desberdina duten pertsonei; eta boterea oso erraz gal daiteke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / @FOKU

«Askotan, baimena eskatzea baino hobe da barkamena eskatzea»

Naroa Torralba Rodriguez

Munduko muralik onenetan hirugarrena Ondarroan dago, Kamiñazpin. Lian Monserrate da egilea, eta gaztetatik ari da gizarte gaiak hormetara eramaten. Memoria ariketa bat egin nahi izan du obra horrekin.
<em>Irabazi arte</em> telesaileko bigarren denboraldiko aktore gazteak. ©EITB

'Irabazi arte'-ren bigarren denboraldia, ostiraletan ETBn

Urtzi Urkizu

Dorleta Urretabizkaia, Nahia Lacalle eta Joan Bailador dira aktore berriak. Zetak, Bengo eta Bulego taldeen kantak entzungo dira

1 ©LABAYRU FUNDAZIOA / EZEZAGUNA

Itsasoko ezkutuko lana

Amaia Jimenez Larrea

Emakumeek itsasoan egindako lanaren balioa aldarrikatzeko, Labayru fundazioak 'Geu be bagara itsasoa' liburua argitaratu du. Zenbait belaunalditako hogei emakumeren testigantzak bildu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.