Albistea entzun

EKOGRAFIAK

VAR

Miren Manias -

2019ko apirilak 19

Erresuma Batuko Asda supermerkatuak garagardoa doan eskaintzen duen iragarki bat plazaratu du, galesez. «Alkoholik gabeko garagardoa» (di-alcohol) adierazi behar zuen, berez. Baina itzulpen akatsa egin dute eta «alkohola doan» (alcohol am ddim) promestu diete Galesko bezeroei. The Cwmbrân Asdaren iragarkiak oihartzun handia izan du sare sozialetan. Guto Aaronek, esaterako, Twitterreko jarraitzaileak ohartarazi ditu, aukera paregabea gal ez dezaten. «Galesez irakurtzen baduzue, eska ezazue zuen garagardoa doan!», idatzi zuen hark ateratako argazkiaren ondoan.

Dirudienez, hau ez da lehen aldia Asdak horrelako akatsa egiten duena galesera itzulitako iragarkiekin. 2012an, eskoziar gaelikoz idatzi zuten Cardiffeko Coryton supermerkatuaren aparkalekuko iragarkia. Ohartu ondotik, testua berehala aldatu zuten galesera. Ez dakit kasu horretan Googlen itzultzaile automatikoa erabiliko zuten ala ez, baina argi dago doako garagardoaren iragarkian hanka sartu dutela teknologiaren bat erabilita.

Gizonezkoen futboleko Txapeldunen Ligan, aldiz, akats gutxi egin daitezke VAR (Video Assistant Referee) sistema berriarekin. Epaile nagusiak hartutako erabakiak zuzentzen dituen teknologia, alegia. Horren froga da herenegun jokatutako Manchester Cityren eta Tottenhamen arteko partida; izan ere, VARek lehiaketatik kanpo utzi du Pep Guardiolak gidatzen duen taldea.

IFABek (Futbol Erakundeen Nazioarteko Batzordea) sartu zuen VAR sistema kirol legeetan, partida garrantzitsuen emaitzak argitzeko izandako epaiketen ondotik. Eta FIFAk 2018ko martxoan onartu zuen teknologia horren erabilpena. Hala, zalantzarik bada, epaileak edozein jokaldi ikus dezake berriro. VAR sistemak gauza onak eta ez hain onak dauzka. Herenegun jokatutako futbol partidan, zehazki, azken hogei minutuak dramaz betetakoak izan ziren. Cuneyt Çakir epaileak Manchester Cityren bosgarren gola bertan behera utzi zuen, jokaldia VAR sistema bidez berrikusi ondotik —Kun Aguero-ren jokoz kanpoko posizioarengatik—. Aurretik, Tottenhamen hirugarren gola ontzat eman zuen, Fernando Llorenteren eskuak baloia ukitu ez zuela ziurtatuta. Kasu horretan, beraz, gol bera bi aldiz ospatu zuten Tottenhameko jarraitzaileek. Baita nik ere!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Iñaki Etxeleku, Ipar Euskal Herriko Hitza

“Besta ez-komertziala izanen da; egiazko hartu-eman bat”

Iñaki Etxeleku, Ipar Euskal Herriko Hitza

Urriaren 31n Arimen Gaua lehen aldikoz ospatuko dute Itsasun, ikastolako eta beste bi eskola elebidunetako haurrekin. Trukea, harremana eta euskal kultura landu dituzte haurrekin.

Jendea Arbonako lur okupatuetan, gaur goizean, Lurrama jaialdiaren hasieran. ©Lurrama Elkartea

Lurrama jaialdia ospatu dute Arbonan

Berria

Kontzertuak, hitzaldi bat eta beste egin dituzte, eguraldia lagun. Arbonan kokatu dute aurten, okupazioari sostengua emateko.

Hainbat lagun hegazti migratzaileei behatzen, atzo, Lizarietako lepoan, Saran. ©GUILLAUME FAUVEAU

Txorien bidaia, largabistekin

Oihana Teyseyre Koskarat

Agorrilaren erditsutik hasiak dira hegaztien migrazio mugimenduak. Horiek zaintzeko lanetan ari da CPAL elkartea, Saran, Lizarietako lepotik begira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.