Albistea entzun

IRLEN SAREA

140 segundo

Gorka Julio -

2020ko ekainak 27

Twitter da askorentzat informazioa jasotzeko kanal nagusia, baita jendarteak pairatzen dituen fobia eta filia askoren erakusgarri. Bertan dagoen pertsona unibertsoa ez da jendartearen lagin fidagarri bat, ados, baina jendartearen parte bat ere bada eta bertan daudenen komunikatzeko erak markatzen du estilo garaikide bat; eta orain, audioa gehituko diote. Proba fasean, audio bidezko mezuak igotzeko aukera emango du Twitterrek. Momentuz, erabiltzaile gutxi batzuek —BERRIAko kazetariren batek ere—, audioak igotzeko aukera hori probatzeko aukera izan dute.

Berriro ere, Twitterren hasierara bueltatuz 140 zenbakia agertzen zaigu, 140 segundoko audio mezuak igotzeko aukera izango baitute erabiltzaileek. Bi minutu pasatxo, esan nahi duen hori esateko, baina lasaitasunez, luzatuz gero Twitterrek mezu ezberdinetan zatitu baitezake mezua.

Ez dakigu azkenean, proba fasea gainditu eta orokortuko den esperimentua, baina uste dut Twitterrek hutsune bat irakurtzen jakin duela. Gero eta zabalduagoak daude podcast-ak —irudiko luke oraintxe asmatu direla—. Spotify da erakusgarri: musika atari bainoago, podcast gune bihurtu da azkenaldian.

Blogekin gertatutakoa gogoratzen dit horrek; blogak ezarriak eta zabalduak zeudenean jaio zen Twitter. Horren eraginez, jende asko hasi zen Twitterren, eta aldi berean blogetan idazteari utzi zioten. Narratiba berriak ere jaio ziren: #hashtag-ak orokortzen hasi ginen orduan, eta memeak Interneteko azpikulturek erabiltzetik orokortzera pasatu ziren.

Aldaketa txiki bat dirudi horrek, baina martxan jartzen bada, ondorioak izan ditzake eta erronka batzuk ere gainditu beharko ditu. Nola egin, adibidez, edukiaren ikuskaritza audioko mezuetan? Entzumen arazoak dituztenekin zer gertatzen da? Transkripziorik egongo al da eta zein hizkuntzatan?

Behin galdera horiek erantzun ondoren Twitterrek aukera hori martxan jartzen badu, Whatsapp-en erabilerak talde itxietan sozializatu duen estiloak komunikazio estiloan zein aldaera sortuko duen ikusiko dugu. Ez baita berdina talde txikietan, mezu pertsonalak bidali edota publiko ireki batentzat hitz egitea. Audio bidezko komunikazio asinkronoen garaia heldu daiteke edo Whatsapp-eko audio mezu askotan gertatzen den bezala, audio mezu gogaikarrien sukarra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.
 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.
Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...