Albistea entzun

EKOGRAFIAK

Distopiatik gertu

Amaia Garcia -

2021eko irailak 30

Udara honetan Margaret Atwooden eleberrian oinarritutako The Handmaid's Tale telesaila berriro ikusten hasi naiz. Telesail hau alde batera utzi nuen duela bi urte. Pandemiak egoera distopiko nahiko arraro batean bizitzea eragin digu, eta ia urte eta erdi egon naiz pantaila txikian distopiarik ikusi gabe. Elisabeth Moss protagonista den telesailaren laugarren denboraldia estreinatu da aurten, eta horrek hirugarren denboraldia amaitu eta laugarrena ikusteko gogoa sortu dit.

Errealitatea eta distopia horren artean desberdintasunak batzuetan ez dira hain handiak. The Handmaid's Tale telesailaren laugarren denboraldian Junek (Elisabeth Moss) Gileadeko errepublikatik ihes egingo du. HBOn ihesaldi hau ikusten nuen bitartean, Afganistanen talibanek boterea lortu zuten, eta milaka pertsona Kabuleko aireportutik ihes egiten saiatzen ziren. Telesailean ikusten nituen irudiak, albistegietan ikusten ziren antzeko irudiak dira. June Kanadara iristen da, eta bertan errefuxiatu estatusa izango du. Gaur egun, Europako mugetara iristen diren errefuxiatuen egoeran pentsatzen jarri nintzen hori ikustean. Zoritxarrez, nahiago nuke Juneren egoerak eta Euskal Herriko kaleetan ikusten ditugun errefuxiatuen egoerak antz handiagoa izango balute. Junek luxuzko hotel batean lo egiten du lehen gauean, eta gero bere familiarekin batzen dute etxe handi batean.

Telesail honek garrantzi handia eduki du mugimendu feministan. AEB edo Argentina bezalako herrialdeetan neskamearen jantzia erabili dute abortuaren aldeko protestetan. Eskubide horren aurkako urraketak mundu osoan gertzen dira, baina ezin dugu ahaztu udara honetan AEBetako Texas estatuan atera duten lege berria. Lege horrek emakumeen eskubide guztiak urratzen ditu, haurdunaldiaren seigarren astera arte onartzen dutelako abortatzeko aukera. Epe horretan emakume askok ez dakite haurdun daudela, eta horrek haurdunaldiaren etenaldia ezinezkoa izatea eragingo du.

Gileadeko errepublikako pertsonen eskubideen urraketak pixkanaka sartu ziren, baina egun batetik bestera eskubide guztiak desagertu ziren bertan. Distopia honek eskubideen lorpenen ostean, eskubide guztiak babesten jarraitu behar dugula erakusten digu; zoritxarrez, errealitateak ere ikasbide berbera eman digu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manel Vidal, astearteko saioan ©Berria

TV3ek Manel Vidal umorista kaleratu du, PSC svastika batekin lotzeagatik

Urtzi Urkizu

TV3eko zuzendariak Zona Franca saioa egiten duen ekoiztetxearekin batera hartu du erabakia. TV3eko Programetako Kontseilu Profesionalak kaleratzea salatu du, eta aurrekari bat sortu dela kritikatu.

Ylenia Baglietto eta Lander Otaola aktoreak, goizean, Bilboko udaletxean ©Bilboko Udala

Ylenia Baglietto eta Lander Otaola aktoreak izango dira Farolin eta Zaranbolas Bilboko aratusteetan

Amaia Igartua Aristondo

Besteak beste, ETB1eko 'Goenkale' telesailean egin zuen lan Bagliettok, eta 'Vaya Semanita'-n Otaolak. Inauteriak otsailaren 17an hasiko dira, pertsonaion atxiloketarekin eta epaiketarekin, eta 21ean bukatu.

 ©JAIZKI FONTANEDA / FOKU

«Nire lanbidea artearekin lotzen saiatzen nintzen beti»

Unai Etxenausia

Armestok biltegian gordeta zeuzkan lan batzuk aurkeztu ditu Gasteizko Zas Kultur Espazioan. Marrazkiek «pertsonen arteko komunikazioa eta inkomunikazioa» erakusten dute.
 ©ETB

«Beste gauza batzuk probatu nahi ditut»

Urtzi Urkizu

Igandean, Gurrutxagaren agurra izango da ETB1eko 'Herri txiki, Amerika handi' saioan. Zortzi denboraldiren ondoren, beste aurkezle bat arituko da 'Herri txiki, infernu handi'-n.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.