Albistea entzun

EKOGRAFIAK

Telenobelak

Amaia Garcia -

2022ko apirilak 19

Zutabe hau argitaratzen den egunean Kolonbiara bidean egongo naiz. Bidaia prestatzen egon naizen bitartean jende askok bi telesail aipatu dizkit: Reina del Flow eta Café con aroma de mujer. Biak Netflixen daude, eta aste asko daramatzate plataformaren Top 10ean. Hegazkina hartu baino lehenago bi telesailak ikusten saiatu naiz, batez ere bidaian zehar bisitatuko ditudan zonak agertzen direlako bi telesailetan: Medellin eta kafe sailen zonaldea.

COVID-19aren aurkako hirugarren txertoa jarri nuenean, ohean egon behar izan nuen, eta Café con aroma de mujer telesailaren lehen kapitulua jarri nuen. Sukarra pairatzen ari nintzenean ikusi nuen, eta sukarrarekin bat joan zitzaidan telesailarekin jarraitzeko gogoa. Maitasun istorioak eta familia arteko liskarrak kontatzen dituen telenobela bat da. 88 kapitulu ditu lehenengo denboraldiak. Epe luzerako proiektu bat izan daiteke horrelako telenobela bat ikustea, baina, egia esan, ez nuen istorioarekin bat egin.

Lerro hauek idatzi baino lehenago Reina del Flow telesaila ikusten saiatu naiz, eta kasu horretan lehen kapitulutik ez naiz pasatu ere egin. Telesailak bi denboraldi ditu, eta bi denboraldiak 80 kapitulutik gorakoak dira. Agian hori da bi telesail horien arrakastaren gakoa. Hain luzeak direnez, Top 10ean denbora luzez egoten dira jendeak amaierara arte ikusten dituelako; eta, Top 10ean daudenez, jendeak ikusienen artean dagoenari aukera gehiago ematen dio. Beraz, arrakastaren gurpil perfektua sortu du Netflixek Kolonbiako bi telesail horiekin.

Netflixekin dudan harremana ziklikoa izaten dela aitortu behar dut. Batzuetan orduak ematen ditut bere edukiak ikusten, eta beste batzuetan, bere bilatzailean telesail berri baten bila minutu batzuk galdu ostean, webgunea itxi egiten dut eta beste plataforma batean amaitzen dut beste zerbait ikusten. Ez naiz bakarra, nire inguruan ni bezalako pertsona gehiago ezagutzen ditut, eta batzuetan plataforma horretan zer ikusi ez dakigunaren aitortza egin dut lagun batzuekin.

Egunotan Netflixen zerbait desberdina aurkitzen saiatu naiz, eta hurrengo zutabeetan plataforma horretan aurkitu ditudan gauza bereziez idatziko dizuet. Bitartean, Kolonbiako errealitatea erakusten duten telesailen bila ibiliko naiz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Geu elkartearen herri bazkaria, atzo, Landatxon. ©RAUL BOGAJO / FOKU

Loratzen jarraitzeko

Edurne Begiristain

Geu elkartearen 30. urtemuga ospatzeko, egun osoko jaia egin dute Gasteizen. Elkarteko kideen ustez, «mugarri» bat ezarri da euskarak hiriburuan dituen erronkei heltzeko.
 ©OSKAR MATXIN EDESA / FOKU

«Dena dut gogoan: iruditzen zait italiarrak ikusten ari naizela zubitik etortzen»

Amaia Igartua Aristondo

Ederto gogoratzen ditu Basabek 1936ko gerran eta frankismoan bizi izandakoak: hegazkin bonbardatzaileak, italiarrak, beldurra eta gosea; egur eta ikatz bila joan behar izatea txikitan, amari ezer ez faltatzeko. «Bizitza osoan eraman behar da hori».
Josette Dacosta margolariak mihiseak lurrean jarrita margotzen du. ©GUIILAUME FAUVEAU

Teklen bitartez emandako pintzelkadak

Ane Insausti Barandiaran

Adimen artifizialaren bidez, posible da ordenagailuari agindu bat eman eta hark obra bat sortzea. Hori artea ote den zalantzan jarri izan du, ordea, jendeak; hala gertatu da, adibidez, Coloradoko arte lehiaketa batean. Artista eta ikertzaileek esan dute pieza bat sortzea, fisikoki ez bada ere, artea egitea dela.

 ©BERRIA

Hamaikak telebista adimendunetarako bere aplikazioa estreinatu du

Enekoitz Telleria Sarriegi

Hamaikaren digitalizazioan «beste jauzi bat» da aplikazioa. Ostiralean jarri zuten eskuragarri

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...