Albistea entzun

EKOGRAFIAK

Irakurzale ez-aktiboarenak

Lander Arretxea -

2022ko abenduak 9

Gauza asko DA Durangoko Azoka. Lagun zaharrekin aurkitzeko parada —besterik da horrek poza edo ezkutatzeko gogoa pizten dizun—, sortzaile kutunekin egoteko abagunea, Gabonetako erosketak aurreratzeko merkatua, parrandarako aitzakia... Eta ni bezala, lanaldi murriztuko irakurlzaleontzat —alegia, ohi genuena baino puskaz gutxiago irakurtzen dugunontzat orain— gure pose iruzurtiarekin parez pare jartzen gaituen gertaera. Aurten ere erosiko ditut bost edo sei liburu, eta itxura guztien arabera, munduak eguzkiari bira oso bat ematerako, apalategian eta zuri-zuri segiko dute gutxienez haietako hiruk. Telesailek, antsietateak eta kontzentratzeko ezintasunak jan diote lekua irakurzaletasunari.

Baina ez dugunez literaturazaleon talaiatik jaitsi nahi, irakurri gabe ere letrajaleen taldean mantentzeko estrategiak garatu ditugu batzuk. Telebistak horretarako baliabideak eskaintzen ditu. ETB1en bertan, Artefaktua saioak bere bidearekin segitzen du, baina Ilaski Serrano aurkezle duela. Orain literaturaren gaineko saio batean garatu dezake, askeago, lehenago Ahoz aho-n erakutsitako zaletasuna. Hori bai, baliabide gutxirekin. RTVEk, aldiz, Página 2 saio gomendagarria du, faktura ezin finagokoa. Podcastgintzan dozenaka dira aukerak: umorea eta literatura lotzen dituzten Esku artean eta Uluka kasu. Modako liburuez modu informalean aritzeko trebetasuna garatuko duzu haiekin.

Baina dena ez da iruzkina edo elkarrizketa izango. Sally Rooneyren Normal People, Big Little Lies, Handmaid's Tale, House of Cards edo Fariña telesailak eleberrietan daude oinarrituta, esaterako. Topikoak dio liburua hobea dela beti, baina eskolako azterketaren aurretik lagunari liburua laburtzeko eskatzeak adina balioko dizu, gutxienez. Zerrendara batutako azkenak ika-mika eragin du: Cristina Moralesen Lectura fácil —hau bai, irakurri nuen, gogotsu gainera!— eleberriaren moldaketa ekoitzi du Movistar etxeak, eta egileak salatu du bere lanaren muina traizionatu dutela.

Kontrako norabidea hartu duten lanak ere badira: Mikel Alvarezek argitaratu berri duen Euskalia eleberri futurista telesaila izateko garatu zen lehenik. Hortxe, azokako ingurumarietan sasijakintsuarena egiteko moduko iruzkina, literaturazale ez-aktiboarentzat opari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Inauterien aurrekari gisa, kaldereroak atera ziren atzo Donostiako hainbat auzotan. Grosen, zartaginari joka aritu ziren makina bat lagun. ©MAIALEN ANDRES / FOKU

Zorion kalderero denoi

Urtzi Urkizu

Santa Ageda bezperarekin bat egin dute Donostiako kaldereroek. Grosen urte asko daramatzaten kaldereroak eta hasiberriak aritu dira zartaginari jo eta jo, musikaren erritmoan.
 ©ENDIKA PORTILLO / FOKU

«Garbitzailea ezinbestekoa da ospitale batek ondo funtzionatu dezan»

Unai Etxenausia

Urte luzeak eman zituen Lorenzok Gasteizko Santiago ospitaleko gela guztiak garbitzen. «Lan gogorra» izan arren, goxo oroitzen ditu korridore horietan bere lankideekin batera pasatutako orduak eta haiengandik jasotako tratua.
Alina eta Sasha, <em>A House Made of Splinters</em> dokumentaleko haurretako bi. ©FILMIN

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...