Albistea entzun

IRLEN SAREA

Aukera kontua

Gorka Julio -

2021eko ekainak 5

Jendeak ez du sakelako aplikazioek jarraitzea nahi. «Niri berdin zait» dioen zure lagun horrek ez dauka arrazoirik. Jendeari aukera ematen diozunean jarraitua izateari baiezkoa edo ezezkoa esateko, ezezkoa aukeratzen du.

Applen, iOS 14.5 aldaketaren ostean, aplikazioek aukera eman behar diete erabiltzaileei haien datuak arakatu ahal izateko. Apple Storeko aplikazioek era estandarizatu baten bidez eskatu behar dute baimen zehatz hori orain. Erabiltzaileek baiezkoa ematen badute (Onartu botoian klik eginez), denak lehen bezala jarraituko du, eta enpresak erabiltzailearen datuak erabiltzeko aukera izango du, adibidez, iragarkiak eskaintzeko; aldiz, ezezkoa esaten badu aplikazioak ezingo ditu datu horiek erabili.

Beste albiste bat: Googlek azken eguneraketan zaildu egin zuen kokapena zehazteko ezarpenetarako sarbidea Android telefonoetan, jendeak itzali ez zitzan. Datuek hauspotzen dute teknologia erraldoiaren iragarkien negozioa, eta horiek biltzeko ahaleginak babesteko egin du aldaketa. Kokapena ezagutzeko ezarpenak desgaitzen zituzten erabiltzaileak «nabarmen handitu» zirela ikusi zuen Googlek, eta horregatik hartu zuen erabakia. Android telefono fabrikatzaileei presio egitera iritsi da, ezarpena ezkutatzeko.

Uste orokor bat da ditugun zerbitzuak eskuratzeko ordaindu beharreko bidesaria dela konpainiek gure datuak jasotzea eta ustiatzea. Errealitatea, baina, guztiz kontrakoa da. Ez da ezinbestekoa edo oso une zehatzetan bakarrik behar dira zenbait datu zerbitzu batzuk eman ahal izateko. Oso barneratua daukagu gauzek horrela izan behar dutela, beste era batera izan zitezkeela hausnartu gabe. Aukera ematen digutenean, gure datuak enpresa horiekin ez partekatzea erabakitzen badugu, aukera lehenetsia horrek izan beharko lukeenaren seinale da.

Argi dago ez dela horrela, eta, albiste puntualez gain, erraldoi teknologikoek berdin jarraituko dute, aurrean, erabiltzaileez gain, aurre egingo dieten lege neurriek behartzen ez badituzte. Iragarki digitalen sektoreko lehia da benetan atzean gertatzen ari dena. Bakoitzak bere lehiakideei bidea zailtzeko eta bereak errazteko saiakeren artean, erabiltzaileak eta horien datuak dira trukerako txanpona. Hala ere, gutxi bada ere, esperantza apur bat ematen du, aukera ematen diotenean, jendeak pribatutasunaren aldeko erabakiak hartzen ikusteak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©MAIALEN ANDRES / @FOKU

«Tximeleta efektua gertatzen da; egia da»

Enekoitz Telleria Sarriegi

Sarriegiren Astrolabium konpainiak 'Butterfly effect' antzezlana estreinatu zuen igandean: tximeleta baten hegaldiak munduaren beste puntan sor ditzakeen olatuez, historian egindako keinuez, eta egin gabekoez.
Pierre-Andre Foix Exofair enpresako burua, Miarritzen ekoizten duten Every exoeskeletoa soinean. ©GUILLAUME FAUVEAU

Kanpoko hezurdura indar jokoan

Ainize Madariaga

Lan eta bizi baldintzak hobetzeko, Exofair enpresa Every exoeskeletoa ekoizten hasi da Miarritzen. Ekologikoa, erabilerraza eta denek eskuratzeko modukoa izatea du xede, partikularrak eta enpresa ttipietako langileak baititu jomugan: 30 kiloz arindu ditzake kargak.

Bingen Zupiria Eusko Jaurlaritzako bozeramailea, artxiboko irudi batean. ©DAVID AGUILAR / EFE

Jaurlaritzak baztertu egin du ikus-entzunezkoen kontseilua sortzea

Urtzi Urkizu

Eusko Jaurlaritzako bozeramaile Bingen Zupiriak esan du «nahikoa» direla gaur egun dauden egiturak eta zerbitzuak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.