Albistea entzun

IRLEN SAREA

Bizi-pasa

Gorka Julio -

2022ko urtarrilak 22

McKenzie Warkek El Salto hedabideko elkarrizketa batean zera dio: «Depresioa gure garuna baldintza negargarrietan alokatzearen ondorio da». Gure lanetako askok eskatzen duten estres fisikoaren edo kognitiboaren ondorioz, eta zer esan (soldatapeko) lanik ez duzun kasuetan, inoiz baino gehiago garun-atsedena sortzen diguten teknikak zabaltzen ari dira. Terapia indibidualetatik hasi, mindfulness inposatutik pasatu, eta pastila forman etor daitezke, baina gure buruek ozen diote: «Ezin dut gehiago». Bada, baina, fenomeno horretan zerbait ona ere: jolasaren hedapena.

Estres guzti horrek jolasen garrantzia lehen planora ekarri du. Ez da kasualitatea mahai jokoak adin txikietatik harago hartzen ari diren garrantzia, gai horietan aritzen diren denden irekiera, hezkuntza mailan ere hartzen ari diren garrrantzia... Homo ludens situazionistaren hedapen bat gertatzen ari da; noski, baita arlo digitalean ere.

Horren erakusgarri dira Wordle eta Berbaxerka jolasek orain edo aurretik Egunean Behin bezalako jolasek izandako arrakasta. Faktore gehigarri bat dute: hizkuntzarekin jolasa. Arrakasta dudarik ez izan, fenomeno okortu bat izanik ere (hizki-zopak eta gurutzegramak beti izan dira), hizkuntza minorizatu bat izatearekin ere baduela harremanik.

Iragan astean irratian gai horien inguruan hitz egiten ari ginela, inoizko elkarrekintza kopuru handiena izan genuen Euskadi Irratiko Amarauna-n. Harrigarria izan zen gaiak jaso zuen arreta eta programaren Whatsappean sortutako emaria. Gaiak interesa bazuela bagenekien, baina hainbesterako izateak zer pentsa eman zidan.

Olgetan ibiltzea jada ez da soilik denbora-pasa bat, bizi-pasa batean bilakatu zaigu. Bizitza bizigarri egiteko ezinbesteko bat. Estres kogniktiboaren kontrako eta akaso antsietate eta depresioari aurre egiteko bidexka bat. Gauza asko ditu onak jolasak, joko bihurtzen ez den bitartean. Jokoak zu zaitu, jolasa zuk duzu.

Xabier Landabideak (aka Txerren) edozein aukera baliatzen du jolasen garrantzia azpimarratzeko; burujabetza ludikoa da bere bandera. Gaurkoan batzen natzaio, bizi-pasa honekin, jolasaren alde eta jokoaren kontra. Inoiz pentsatu ez genuen garrantzia hartu du jolasak garai hauetan, berebiziko garrantzia duela esateraino.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Bertsolariak koplatan, Azpeitiko taberna batean. ©GOTZON ARANBURU / FOKU

Giroa epeltzeko, bertsoak

Amaia Jimenez Larrea

Azpeitian ospatu da Bertso Eguna, bertsolarien eta bertsozaleen arteko topagunea. Berrikuntzak izan ditu aurten: arratsaldeko ekitaldiaren ordez, afaria eta saio nagusia izan dira Elikagunean.

 ©ARITZ LOIOLA / FOKU

«Milioika gauza txar ekoizten dira, eta zenbait onak: hori da orain artisautza»

Amaia Igartua Aristondo

1857koa da Gorostiaga denda, eta bide gorabeheratsua izan du, Pirlaren arabera: 1920an, arrakasta; ondoren, gainbehera; sarri uholdeek erasan diote, eta, azkenaldian, ekoizpen industrialak.
Pamela Anderson Kanadako aktorea, <em>Pamela, a love story</em> dokumentalaren fotograma batean. ©NETFLIX

Andersonek hitza hartu du

Urtzi Urkizu

Netflixek 'Pamela, a love story' dokumentala estreinatuko du asteartean. Lan horretan, Pamela Anderson aktoreak bere bizitzaren errepasoa egiten du. Memorien liburu bat ere idatzi du.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...