EKOGRAFIAK

Maradonak irentsi zuen Diego

Miren Manias -

2019ko ekainak 28

Mitoak interesatzen zaizkigu gehiago errealitatea baino». Kepa Matxain kazetariak Argia-ko artikulu batera eramandako titulua da; Jaione Irazu, Oskarbi Sein eta Beñat Iturrioz Napardeath (Ataun of the dead trilogiaren azkena) filmaren egileei egindako elkarrizketan oinarrituta, hain zuzen ere. Aipua, zehazki, Iturriozena da. Dioenez, mitoak sortzen ditugu «horiekin gure herria elikatzeko». Ez ditut bi spoiler egin nahi zutabe berean; beraz, mitoaren eta errealitatearen arteko bereizketa erabiliko dut Erresuma Batuan estreinatu berri den Diego Maradona dokumentalaz hitz egiteko —Hego Euskal Herrian ikusgai egongo da uztailaren 19tik—. Zergatik? Maradona mitoak irentsi zuelako Diego.

Villa Fiorito (Argentina) izeneko hiri ezin txiroagoan jaio zen Diego Armando Maradona, 1960an. Bost seme-alabetatik gazteena izan zen, baita mutil bakarra ere. 4 urte zituela hasi zen futbolean. «Ez zitzaizkidan gainerako mutikoen jolasak gustatzen, pilota maite nuen. Nire salbamena izan zen». 9 urterekin, berriz, lehen kontratua sinatu zuen Argentinos Juniors taldearekin. Zazpi urte geroago, 1976an, lehen mailan egin zuen debuta. Argentinako futbol elkarteak Buenos Aires hiriburuan jarri zion etxebizitza bat. Maradonak, orduan, familia guztia eraman zuen hara. Une horretan, familiaren sostengu ekonomiko nagusi bilakatu zen. 15 urte besterik ez zituela, alegia.

1982an, Bartzelonak fitxatu zuen. Baina lesio bat eta osasun arazoak tarteko, ez zuen arrakasta handirik lortu. «Ezin nuen Fioritora itzuli» esaldia grabatua zeukan buruan. Hala, 1984an, Italiako Napoli taldera transferitu zuten. Diru guztia xahutu zuen Bartzelonan. «Ferraria eskatu, eta Fiat bat jarri zidaten; etxe bat eskatu, eta apartamentu bat eman zidaten». Denak okerrera egingo zuela zirudien arren, haren teknika taldean kostata egokitu ondotik, historiako markarik onenak eskuratu zituen Napolirentzat. Istorioaren amaiera, esango nuke, ezaguna dela.

Pertsona horren atzean, ordea, baziren Diego eta Maradona. Dena ondo egiteko presioa zuen gazteak drogen munduan bilatu zuen bizitzeko modu artifiziala. Diegok elikatu zuen Maradona, baina baita alderantziz ere. «Ezin izan zuen besterik egin», adierazi zuen Fernando Signorini haren entrenatzaile pertsonalak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna