Albistea entzun

EKOGRAFIAK

Emadazu pozoia

Amaia Garcia -

2021eko azaroak 16

Bost urte pasatu dira Cristina Ortiz Rodríguez La Veneno hil zenetik. Espainiako telebista kate askotan arrakasta handia izan zuen emakume horrek, baina bere bizitzako azken urteetan ahaztua izan zen komunikabide horietan. Haren memoria omentzeko, aurreko urtean La Veneno telesaila estreinatu zuen Atresplayer plataformak. Telesailak arrakasta handia izan zuen, baina, horrez gain, historia egin zuen LGTBIQ+ kolektiboaren errepresentazioari begira. Telesail horrek pertsonaia trans asko ditu, eta horretarako aktore transexualak aukeratu zituzten. Zoritxarrez egoera hori ezohikoa da, askotan aktore zisgeneroak aukeratzen direlako pertsonaia transexualak antzezteko.

Aurreko astean ODA erakundeak 2020an Espainian egin den fikzioan dibertsitatea nola errepresentatu den aztertzen duen txostena aurkeztu zuen. Bertan aurreko urteko telesail eta pelikulak aztertu ditu. Bere ondorioen artean: telesailetan LGTBIQ+ komunitateko pertsonaien presentzia handiagoa egon da, egin diren telesailetatik %8,2tan LGTBIQ+ komunitatearen presentzia dago. Hori albiste ona da, baina Veneno telesaila kenduko bagenu, presentzia hori %6,9ra jaitsiko litzakete. Txosten horretan kontu gehiago aztertzen dira; desgaitasuna duten pertsonen presentzia eta arraza desberdintasuna esaterako.

Datuek argi uzten dute oraindik asko dagoela egiteko. ODA erakundetik mezu zuzen bat zabaldu dute txostena argitaratu dutenean: LGTBIQ+ erreferente gehiago behar dira fikzioan. Euskal fikzioa begiratuko bagenu, interesgarria izango litzateke horrelako azterketa bat egitea. Presentzia txikia dela uste dut, baina ondo egongo litzateke ODA bezalako euskal erakunde bat edukiko bagenu edota berdintasuna helburu duten erakunde publikoek fikzioan egiten den errepresentazioaren azterketa bat egitea.

Bitartean, nire lehenengo zutabean esan nuen bezala, LGTBIQ+ komunitateko pertsonaiak agertzen diren telesailak gomendatuko ditut. Produkzio berrien zain geratuko gara, 2020. urteko datuen ostean, aurten ere istorio interesgarriak ikusten ari gara. Maricón Perdido-k gizon homosexual baten istorioa kontatu digu, Cardo telesailean aktore transak agertzen dira, eta Gazteak irailean estreinatu zuen Daniel/A/-n mutiko trans baten istorioa kontatzen da. Bide horri jarraitzen badiogu, berdintasuna lortzeko bidea egiten ari gara.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hiru kazetari, Bizkaiko irrati batean lanean. ©MONIKA DEL VALLE / FOKU

Profil digitalak garai berrietan

Urtzi Urkizu

EHUk 'EAEko kazetarien profil digitalak eta audientziekiko elkarrizketa' liburua plazaratu du. Ondorioztatu dute kazetariak prestakuntza jasotzen ari direla gaitasun digitaletan.

 ©GUILLAUME FAUVEAU

«Dantzari esker banaiz»

Ainize Madariaga

Dantzaren zirimolak oinak harrapatu zizkion lehenik, eta josteko makinak gero. Biekin, eta euskal dantza tradizionalaren kodeak errespetatuz, ase ezinezko sormen lana egin du berrogei urtez. Saritu berri dute.
NUPeko antzerki taldeko kideak, Iruñeko Kondestablearen jauregian, hilketa bat antzezten. ©JAGOBA MANTEROLA / FOKU

Lau hilketa Iruñean

Iker Tubia

Nafar idazleen nobeletatik ateratako lau istorio antzeztu dituzte NUPeko antzerki taldeko kideek, Iruñea Beltza jaialdiaren azken egunean. Ikusleak batetik bestera ibili dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.