Albistea entzun

IRLEN SAREA

Ez dago bando onik

Gorka Julio -

2022ko maiatzak 14

Kriptodiruari lotutako proiektuak ez ezik, teknologia enpresa handiak ere beren balioa murrizten ari dira. Burbuila batek eztanda egin duela eta eztandaren dimentsioa oso handia izan daitekeela dirudi.

Kriptodiruari lotutakoarekin espero zitekeen, espekulazio izugarriko eremu bat izan baita hasieratik. NFTekin hasi zen kontua, eta orain kriptotxanpon ezberdin askori eragin dion balio galtze handi bat gertatu da. Teknologia handien kasua aurreikusten zailagoa zirudien. Baina hainbat arrazoirengatik fase aldaketa bat adierazi dezake oraingo erorketa horrek.

Begizta kapitalistaren milaka garroko munstroa aske dago kontrolik gabe. Hori omen zen bere benetako izatea. Prezioen igoera, gerrak ekarritako ezinegona, burbuilak, tipoen igoera, finantzaketaren zailtzea... Egiak baino gezur gehiago asmatzen aritzen den ekonomista-azti bakoitzak bere azalpena dauka gertatzen ari denaren bueltan. Ekonomia, zientzia bainoago, sinismena edota erlijioa dela dirudi, iritziak irakurrita.

Argi dago zerbait gertatzen ari dela. Aipatutako arrazoiez gain, Txinaren rola azpimarratuko nuke, garrantzitsua dela iruditzen zaidalako.

Txinak, alde batetik, kriptotxanponen inguruko operazioen kontra jo du, bigarrenez. Bestetik, bere merkatuan kanpoko teknologientzako gero eta tarte gutxiago uzten ari da; proposatu du, bi urteko epean, publikoak diren erakundeetan bertan ekoitzitako teknologia soilik erabiltzea. Halako neurri gehiago ere bai. Azkenik, garapen teknologikoari dagokionez, zenbait eremutan aurretik kokatuta da jada. Akaso, Txinaren eta AEBen gerra ekonomiko baten icebergaren punta ikusten ari gara.

Iritzi ezjakin honek egiatik zenbat duen ere ez dakit neronek, baina behintzat balio beharko liguke teknologia burujabetzaren perspektiban sakontzeko. Teknologia burujabetza ez da soilik telekomunikazioei lotutako afera bat. Teknologia burujabetzaren garrantzia ezagutzan, softwarean, hardwarean, protokoloetan eta pertsonetan landu beharreko ildo oso bat da. Bakarrik bainoago, elkarren beharra dugula ulertzen duten eta horregatik burujabeago bihurtzen diren egitasmoetan dago gakoa. Hori garatu ezean, bandoa aukeratu beharko dugu. Eta aurreratzen dizuet: ez dago bando onik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miren Jone Azurza, artxiboko irudi batean. ©Jon Urbe/ FOKU

Miren Jone Azurza kazetaria hil da, 92 urterekin

Berria

'Zeruko Argia' zuzendu zuen 1969 eta 1975 bitartean. Gero, 'Deia' egunkarian aritu zen lanean. 2011n Ohorezko Rikardo Arregi Saria jaso zuen, eta 2018an ohorezko euskaltzain izendatu zuen Euskaltzaindiak.

 ©JAIZKI FONTANEDA / FOKU

«Herriaren ondarea da auzolana, gizartea osasuntsuagoa izan dadin aberasgarria»

Amaia Ramirez de Okariz Kortabarria

Mozambiketik bueltan erabaki zuen Gabilondok gertuko zuen Garaioneko proiektua berriz hartzea. Sorkuntza, ondare soziala eta natura ditu ardatz, baina baita euskara eta feminismoa ere, zuzenki aipatu ez arren «halabeharrez» egon behar dutelako hor.
Emakume bat, Bilboko Konpartsek, atzo, Bilboko Plaza Barrian antolatutako Kapela Egunean. ©ARITZ LOIOLA / FOKU

Bilbok buruan darabilena

Iñigo Astiz

Aste Nagusia hasteko ehun egun baino gutxiago falta direla gogoratzeko Kapela Eguna antolatu dute Bilboko Konpartsek, eta atzerako kontagailu bat ere jarri dute Plaza Barrian.
Svenja Jung aktoreak bi rol jokatzen ditu telesailean: bi ahizpa biki protagonistena egiten du. ©COSMO

Cosmo kateak 'Der Palast' telesaila emango du bihartik aurrera

Urtzi Urkizu

Alemanian 6,23 milioi ikus-entzule izan ditu (%20,1). Crossover jaialdian lehen atala eman zuten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...