Noiz sortua: 2019-10-08 00:30:00

EKOGRAFIAK

Tresnak eta oztopoak

Mikel Alvarez -

2019ko urriak 8

Zer izan behar luke gaztelaniak ETBrentzat? Badakit batzuk behintzat ETBk gaztelaniazko kate bat izatearen aurka zaudetela. Zuen ustez ez litzatekeela existitu ere egin behar. Zutabe honen helburua ez da eztabaida horretan sakontzea, baina aitortuko dizuet ez nagoela ados zuekin. Beste kontu bat da, ordea, gaztelaniazko kate horren ereduarekin eta helburuekin, edo lehen eta bigarren kateen arteko desorekarekin ados nagoen.

Gaztelaniazko kateak jendea euskal kulturara gerturatzeko balio beharko luke. Kulturara, mundu ikuskerara, baita euskarara ere. Nagusiki gaztelaniaz egituratutako programazio batek sarbide izan beharko luke, kate nagusi izango litzatekeen euskarazko katearen programazioan murgiltzen hasteko. Zutabea zabaltzeko aukeratu dudan galderara itzuliko naiz: zer izan behar luke, beraz, gaztelaniak ETBrentzat? Ba nire ustez, tresna bat. Gaztelania kontsumotik euskara kontsumorako zubia egingo duen tresna bat. Gaztelaniaz bizi direnak gure hizkuntza normaltasunez barneratu eta ikasten joateko amu bat. Helburua beti ikusleak lehen kate nagusira erakartzea izanik, noski. Badakit barre algara batek ihes egin dizuela, eta ez zaizue arrazoirik falta hau idazten ari dena tentela dela pentsatzeko. Bai, gaur egungo eredua azken lerroetan plazaratu dudanaren antipodetan dago. Euskara bigarren mailako hizkuntza bilakatu dute eta gaztelaniazko programazioari folklore jator ukitu bat emateko besterik ez du balio (ezberdinak garela, demontre!). Are larriago dena, nagusitasun begirada batekin, gure hizkuntza abarkaduntasun batekin lotuz. Ia, gure amonaren garai bateko istorioetan bezala. Ikusi Conquis.

Aurrekoan Joseba Argiñanoren Historias a bocados ikusten aritu nintzen. Araotzen izan zen (Oñati, Gipuzkoa): saio osoan zehar, eta amaierako eskalatzean bereziki, gaztelania behartua sentitu nuen. Euskaraz ederki hitz egiten duen jendea, egunero euskaraz bizi direnak tartean, gaztelaniaz telebistan elkarrekin hizketan. Eta nire galdera da: Zertarako? ETBren helburuak euskara sustatzea behar luke, egunero jende gehiagok gure hizkuntzan hitz egitea. Zer demontretarako balio du ETBk, hiztunak gehitu beharrean kentzen badizkigu? Zertarako balio du ETBk, gaztelania tresna moduan baina euskara oztopo moduan ulertzen badu?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordizian Barrena parkearen goiko aldean, osasun etxearen alboan jarri duten gunea. / ©Jon Ruiz

Ordizian eginiko 900 testetatik %10 aztertuta, denek negatibo eman dute

Jon Ordoñez Garmendia

Ekainaren 27az geroztik Etxezarreta kaleko ostatuetan ibili direnei PCR probak egiteko eskatu die Osakidetzak, badaezpada, eta ilara luzea sortu da horretarako jarritako gunean. Ordiziako Udalak bertan behera utzi ditu gaur hastekoak ziren udalekuak, eta Ordiziako EH Bilduk, kanpaina.

Herritar batzuk PCR proba egiten, Ordizian ©Jon Urbe / Foku

Hego Euskal Herriko herritarren %4,3k izan dute COVID-19a

Irati Urdalleta Lete

Seroprebalentzia azterketaren emaitzen arabera, ia 124.000 pertsona kutsatu dira Hego Euskal Herrian.

Maskara sorta salgai ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna