Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

EKOGRAFIAK

Boterearen jokoa

Amaia Garcia -

2021eko urriak 21

Irrikan nengoen telesail honen inguruan hitz egiteko. Aitortu behar dut konfinamenduan hasi nintzela ikusten eta harrapatu ninduela. Bigarren denboraldia amaitu nuenetik, Roy familiaren gorabeheren inguruan gehiago jakin nahi nuen. Succession-en (HBO) itzulera pozgarria izan da telesail zaleontzat, eta lehenengo kapituluaren ondoren, zutabe honetara ekarri nahi nuen bertan gertatu diren gorabeherak.

Bigarren denboraldiaren amaieran dena amaitzen ari zela zirudien, eta Kendallen prentsaurrekoak dena hankaz gora utzi zuen. Neba-arreben artean aitaren erretiroa espero zuten, eta bere ondorengotza nork lortuko zuen gatazka zen aspalditik. Denboraldiko lehen kapituluan boterea zer den ez dakigu jada, xake partida bat baino zailagoa da egoera eta pertsona bakoitzak bere posizioa zein den aztertu beharko du. Logan ez da bere aholkulariez fidatzen, eta bere konfiantzazko jendea AEBetara bidaltzen du; besteak beste, bere aholkulari den Gerri, Shiv (alaba) eta Roman (semea). Bitartean, Logan Sarajevora doa, bertan AEBek estradiziorako akordiorik ez dutelako.

Xakeko partidarako piezak mugitzen hasi dira kapituluan, eta bi emakumeen arteko gudu latza ikus dezakegu. Aurreko denboraldian, Shiven garrantzia asko handitu zen, baina bere aitaren jarreren ostean, ondo pentsatu beharko du familiako enpresaren buru izan nahi duen edo zurrunbilo hortatik aldendu behar duen. Beste emakumea Gerri da, Romanekin duen erlazioa nondik nora doan ikusi beharko da, baina argi dago enpresaren burua izateko aukera asko dituela. Bien artean emakume abokatu bat ere izango da, baina partidaren beste aldean egongo da, Kendall laguntzen.

Erregea nork botako duen ikusi beharko da, bere semeak xake egoeran utzi dio, baina xake-matea nork emango duen ikusi beharko dugu zazpi kapitulu gehiago dituen denboraldian. Astelehenean gimnasiotik atera, afaria prestatu eta sofan eseri ostean, HBO piztu nuen telesaila ikusteko. Abenduaren hasiera arte, astelehenetako plana izango da, hori bai gimnasioarena ez dut hitzematen. Xake partida honen emaitza ikusi nahi baduzue, nire planari jarraitzea gomendatzen dizuet. Zin egiten dizuet aurtengo telesail onena ikusiko duzuela, eta gimnasioarena gehitzen baduzue, zuen gorputzak eskertuko du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Elkarte askotan konpromisorako urratsa egitea kostatzen da»

Iker Tubia

Pedagogia aktiboaren bueltan aritu da Bobes; batez ere, hezkuntza araututik kanpo. Emakumeen ahalduntzerako herri kultur-zentroetan aritu da jo eta su, eta hamaika elkartetan. Emakumeez, feminismoaz, ibilitakoaz eta erronkez mintzatu da.
Darth Vader eta haren soldaduak, Antiguatik udaletxera bidean. ©BERRIA

Elkartasunaren indarra lagun

Jakes Goikoetxea

'Star Wars' filmen sagako pertsonaien erakusketa eta desfilea egin dituzte Donostian. Zaleen Pink Force fundazioak antolatu ditu, Gipuzkoako Odol Emaileen Elkartearen alde.
 ©JAGOBA MANTEROLA / FOKU

«Entzundako zerbaitek norbaiti balio baldin badio, zoragarri»

Jakes Goikoetxea

Hamabi bideo elkarrizketako proiektu bat abiatu du, aurrera egiteko tresnak bilatzeko asmoz, besteek egindako bidetik ikasteko asmoz. Enpatian eta konfiantzan oinarritutako solasaldiak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.