Agoizko zuzendaritzak berretsi du ixteak ez duela «atzera-bueltarik»

Langileek itxialdia egin dute Iruñeko San Lorentzo elizan. Gaur zortzi amaituko dituzte kontsultak
Siemens Gamesako behargina k, Iruñeko San Lorentzo elizako balkoi batean, atzo hasitako itxialdian.
Siemens Gamesako behargina k, Iruñeko San Lorentzo elizako balkoi batean, atzo hasitako itxialdian. IDOIA ZABALETA / FOKU Tamaina handiagoan ikusi

Jokin Sagarzazu -

2020ko uztailak 31

Agoizko (Nafarroa) langileen protestei entzungor egingo die Siemens Gamesak. Andreas Nauen kontseilari ordezkariak ziurtatu duenez, hango fabrika ixteko erabakiak ez du «atzera-bueltarik»; zehaztu du «alternatibarik ba ote zegoen» aztertu zutela, baina ez zutela topatu, langile batzuk beste postu batzuetan jartzeko eginiko proposamenaz gain. Hori eta 239 langileen etorkizunarekin loturiko beste alor batzuk zehaztu gabe dituzte oraindik; abuztuaren 7an amaituko da kontsultarako epea, eta hori luzatzeko eskatu dute sindikatuek, baina zuzendaritzak esana du ez duela luzatuko.

Taldearen emaitzak aurkezteko prentsaurrekoan egin ditu adierazpenok Nauenek. Konpainiak 805 milioi euroren galerak izan ditu urritik, horietatik 149 milioi COVID-19ari zuzenean dagozkion arrazoiengatik, eta bere «bidea aldatu beharra» berretsi du, batez ere onshore edo lehorreko haize erroten negozioan —Agoizko plantan palak egiten dituzte—, taldearen galera gehienak hor pilatzen direlako. Nauenek gogoratu du enpresak «doikuntza» gehiago egitea aurreikusi duela beste lantegi batzuetan.

Lurreko haize erroten datu txarrak gorabehera, kontseilariak azpimarratu du «tinko» sinesten dutela horretan, konpainiaren «hiru hanketako bat» delako, offshore-arekin eta zerbitzuekin batera. «Alor hori errentagarria izan daitekeen ebidentziak badaude, baina arriskuak saihestea da helburua». Nauenek onartu du konpainiak eta sektoreak aldi konplikatu bat bizi dutela, baina luze gabe espero dutela gorakada nabarmena izatea. Enpresak 31.500 milioiko eskari poltsa du.

Langileak, «azkeneraino»

Agoizko planta ixteko erabakia irmoa den arren, protestak «azkeneraino» eramango dituztela ohartarazi dute beharginek. «Ez gara geldituko. Ez dugu nahi eta ez dugu onartuko gure etorkizuna eta gure familiena sakrifikatzea, multinazional baten etekinak gizentzen segitzeko». Langile talde batek 24 orduko itxialdi eta baraualdia hasi zuen atzo Iruñeko San Lorentzo elizan. Gaur 11:30ean amaituko dute, eta gero parlamentura joango dira, herritarren artean bildu dituzten sinadurak erregistratzera. Azken asteetan mobilizazio ugari egin dituzte eta politikako, instituzioetako eta gizarte mugimenduetako ordezkariekin bildu dira.

Gogoratu dute lantegia berria dela, «diru publiko asko» jaso duela, eta «inbertsio txiki batekin» aurrera jarrai dezakeela. «Aitzakiatzat» jo dituzte enpresaren azalpenak. «Enpresari, Nafarroako Gobernuari eta herritar guztiei esan nahi diegu multinazional baten eskrupulurik gabeko politikaren biktimak garela, eta ez zaiola axola 239 familiaren bizitza eta ametsak haustea diru gehiago irabazteko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna