Albistea entzun

BERRIA Txapelketa

Ez daude barkatzeko

Doneztebeko Errekak eta Lazkaoko Lapkek irabazi egin dute XVII. Berria Txapelketan, eta elkarren kontra ariko dira final-laurdenetan
Beñat Zubizarreta, Lazkaoko Lapkeko Gazte mailako aurrelaria.
Beñat Zubizarreta, Lazkaoko Lapkeko Gazte mailako aurrelaria. JON URBE / FOKU Tamaina handiagoan ikusi

Jon Eskudero -

2022ko maiatzak 18

Final-zortzirenetako lehen bi kanporaketetan gertatu bezala, joan den asteburuan ere zerrendaburuek ez dute hutsik egin XVII. Berria Txapelketan. Oraingoz, indartsu agertzen ari dira, eta igandean Doneztebeko Errekak eta Lazkaoko Lapke-k eskuratu zuten final-laurdenetarako sailkapena. Nafarrek gogotik sufritu behar izan zuten Zaratamoko Upo Mendiri irabazteko; gipuzkoarrak hiru partidak irabazita nagusitu ziren Markinaren aurrean. Horrenbestez, final-laurdenetako kanporaketan elkar ikusiko dute Errekak eta Lapke-k.

ZARATAMO
Erreka (Doneztebe) 2
Upo Mendi (Zaratamo) 1

Izerdia latz bota behar izan zuen Errekak Upo Mendi mendean hartzeko, igande goizez, Zaratamoko pilotalekuan (Bizkaia). Etxekoek ezin izan zuten nagusitu, nahiz eta jaialdiko lehen partida aise irabazi. Kadeteen mailan 22-1 irabazi zuten Upo Mendiko Elorzak eta Gomezek Errekako Oiartzabal eta Jimenezen aurka. Partidak ez zuen kolorerik izan, eta batez ere sakearekin min egin zuen aurrelari bizkaitarrak. Askoz estuagoa eta hobea izan zen gazteena. Erabakigarria izan zen, gainera. Faborito atera ziren Errekako Apezetxea eta Agesta, baina oso justu irabazi zieten Upo Mendiko Iglesias eta Elortzari: 22-19. Hobeto hasi ziren bizkaitarrak, eta hamazazpinako berdinketara arte irekita mantendu zuten lehia. Baina Apezetxeak hartu zuen aginte makila, eta, haren lanari esker, nafarrek irabazi zuten.

Horiek hala, nagusien esku geratu zen guztia, eta Errekako Barandiaranek eta Cuairanek ez zuten hutsik egin. Presioarekin jokatzen badakitela erakutsi, eta 22-12 irabazi zieten Upo Mendiko Iglesias eta Gartziari. Hasieratik oso nagusi izan ziren nafarrak, eta Cuairanen joa eta Barandiaranen abilezia nagusitu ziren.

HERNANI
Lapke (Lazkao) 3
Markina 0

Errazago lortu zuen hurrengo faserako sailkapena Lazkaoko Lapke elkarteak, hiru partidatik hiru irabazi baitzizkion Markinari, igande arratsaldez, Hernanin (Gipuzkoa). Kadeteetan, Izagirrek eta Ibarluzeak 22 eta 11 menderatu zituzten Egurrola eta Calvo. Emaitzak adierazi baino askoz partida gogorragoa izan zen, ordubete baino gehiagoz aritu baitziren jo eta ke lau pilotariak. Baina gipuzkoarren sendotasunak ez zuen pitzadurarik izan. Opari oso gutxi egin zituzten. Gazteen arteko lehiak ez zuen kolorerik izan, Lazkaoko Zubizarretak eta Telleriak 22 eta 2 irabazi baitzieten Markinako Ibarloza eta Alvarezi. Maila horretan dagoen aurrelaririk onenetakoa da Zubizarreta, eta haren jokoari aurre egin ezinda ibili ziren bizkaitarrak.

Dena erabakita zegoela jokatu zuten nagusiek, eta lazkaotarrek irabazi egin zuten hirugarren partida ere. Senar eta Garmendia 22 eta 11 nagusitu ziren Agirreamalloa eta Ibarlozaren kontra. Txapelerako hautagai sendoa dela erakutsi zuen Lapke elkarteak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Yves Lampaert. ©BERRIA

Ustekabekoa eman du Lampaertek

Beñat Mujika Telleria

Erlojupekoa irabazteko faborito guztiei hartu die aurre. Van Aert izan da bigarren eta Pogacar hirugarren

Arraun Lagunak eta Orio lehia betean iaz, Zarauzko estropadan, Euskotren ligan. ©JON URBE / FOKU

Kartak ezkutatu ezinda

Aitor Manterola Garate

Bihar hasiko da Euskotren ligaren hamalaugarren aldia, Bilbon, eta, ohi bezala, lau talde ariko dira. Aurtengo berrikuntza Tolosaldea da, Hondarribiaren lekua hartuko baitu debutanteak. Beste hirurak ezagun zaharrak dira: Arraun Lagunak aurreko urteko garailea, Orio bigarren sailkatua eta Donostiarra. Lehen biak dira irabazteko hautagai handiak. Hamalau estropada izango dituzte.
Uriarte eta Valverde. ©M. DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...