Albistea entzun

EKOGRAFIAK

Tabutik sexu iraultzara

Amaia Garcia -

2021eko urriak 12

Sexua beti izan da tabu bat gure gizartean, eta tabu horrek arazo asko sorrarazten ditu pertsonen arteko harremanetan. Sexuaren inguruan dauden debekuei aurre egiteko borroka asko eraman dira aurrera. Feminismoa eta queer komunitateak sexu askatasunaren alde borroka egin dute urteetan zehar, baina oraindik asko dago egiteko.

Netflixen ikusgai dagoen Sex Education telesaila tabu asko apurtzen saiatu da azken bi urteetan. Erresuma Batuko telesail arrakastatsuak institutu bateko gorabeherak kontatzen dizkigu. Hasiera batean, nerabezaroaren inguruko beste telesail bat zirudien, baina bertan kontatzen diren istorioak nahiko berritzaileak dira, eta protagonistek sexu aukera desberdinen inguruan hitz egiten dute. Bertan, homosexualitatearen inguruan hitz egiten da, eta pertsona ez binarioak agertzen dira azken denboraldian ere. Telesail horretan kontatzen diren gatazkek pertsona helduei eragiten digute, eta hori da istorioaren arrakastaren gakoa, nerabe horien bizipenak helduek ere bizi izan ditugula.

Hirugarren denboraldia irailean estreinatu zen, eta bertan eman diren gorabeherak oso bereziak izan dira. Sexuaren institutua-ren ezizena hartu du eskolak, eta horri aurre egiteko, zuzendari berriak debekuak eta arauak ezarri ditu bertan. Arauen artean, uniformea jartzeko derrigortasuna ezarri du. Horrek gatazka sortuko du ikasleen artean, batez ere ez binarioa den Cal ikaslearengan. Sexu hezkuntzako irakasgaiko edukiak guztiz aldatzen ditu zuzendariak, eta bertan sexu-abstinentziaren aldeko mezuak helarazi nahi dizkie zuzendari berriak ikasleei. Horrek, ikasle batzuen artean haserrea pizten du, eta pixkanaka sexu iraultza aldarrikatzeko performance berezi bat antolatuko dute. Ikasleek beren helburua lortu dute, eta debeku eta arau berriak ezarri zituen zuzendariak bere dimisioa aurkezten du.

Ikasleak batu dituen ekintza berezi horrek, aldiz, ondorio nahiko larriak ekarriko ditu institutuarentzat. Kasu honetan, sistema kapitalista patriarkalak sexu askatasunaren aurka egiten du. Iraultza sexuala piztu ostean, dena deuseztatzen da, baina protagonisten bizitza guztiz aldatu da. Hemendik aurrera, fikzioaren protagonistek argi dute zer nahi duten, eta ikusi beharko da zer dakarren iraultzaren osteko etorkizunak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / @FOKU

«Musikan dena dut egiteko»

Gorka Erostarbe Leunda

Pandemiak apenas utzi dion 'Rueda' azken lana behar bezala aurkezten; Bilboko Euskeria abesbatzaz lagunduta kontzertua emango du etzi, Donostiako Viktoria Eugenia antzokian.
Haurrak lurperatzen zituzten eremuaren indusketa, Begoñako hilerrian. ©ARITZ LOIOLA / FOKU

Autopsia hilerri bati

Jakes Goikoetxea

Begoñako hilerria kendu eta parke bat egingo dute Bilbon. Aurretik, ordea, bertako hezurrak ateratzen, aztertzen eta sailkatzen ari da Aranzadi zientzia elkartea. Hilerriko gainerako elementuak ere aztertzen ari da. 'Begoñako Argia' izena du proiektuak.
 ©OSKAR MATXIN EDESA / FOKU

«Kritika egingo dugu, tokikotik globalera»

Urtzi Urkizu

Bilboko Seriesland jaialdian 'Zikings' animaziozko websailaren lehen atala proiektatu dute. Abenduan sarean izango dira ikusgai aurreneko bost atalak. Proiektua «monetizatu» egin nahiko lukete.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.