Albistea entzun

EKOGRAFIAK

Aldaketa

Lander Arretxea -

2021eko azaroak 24

Inspirazioz gabetuta dagoenak inguruan bilatu ohi du zerutik ez datorkion hori. Nik inguruan galdetzen dut, badaezpada: aizue, bada azken boladan telebistan ikusi duzuen eta iruzkintzeko modukoa den ezer? Ez pentsa erantzun borobilegiak jasotzen ditudanik: gertukoenek (ere) ez dute ohiko telebista gehiegi ikusten, eta nazioarteko telesailak edo reality-ak aipatu ohi dizkidate. Baina salbuespenik ere bada: azkena, aitak egin zidan iradokizuna. «Angels Barcelok aurkezten du, eta El cambio du izena». Ohiko irizpidea aldatu, eta saioari begira jarri behar izan dut, baita ETB2n eta gaztelaniaz emititzen badute ere.

Izenak bestelakorik iradoki zezakeen arren, klimatikoa da jorratzen duen aldaketa. Klimatikoa, eta, horrekin batera, gizartean eta ekonomian izango dituen oihartzun orotarikoak. Atal bakoitzean sektore edo alor batean jartzen du fokua horretarako: itsasoa, nekazaritza, gastronomia... Egituraz-eta oso berritzailea ez bada ere, zehaztasun horretan dago saioaren ekarpena, aldaketa klimatikoa edo berotze efektua fenomeno abstrakto eta ia antzemanezin bat baino gehiago direla erakusten baitu: arrantzaleen jarduna nola aldatu(ko) den, orografiari nola eragin(go) dion edo elikagaien ekoizpena zenbat baldintzatu(ko) duen. Adituekin osatutako mahai inguruak gidatzen du saio bakoitza, baina, halaber, lan eremu askotako profesionalak elkarrizketatu dituzte.

Ahots erradikalagoak eta optimista konserbadoreak tartekatu dituzte hala, iritzi kontrajarriak erakusteko beldurrik gabe. Edonola ere, argazki orokorra epelegia dela pentsa dezake baten batek, barkaberegia dela kapitalismoak duen ardurarekin. Gedar Telebistak Glasgowko gailurraren harira egin berri duen Burdin Hesia saioaren atala ikusita oreka dezake sentipen hori: aldaketa klimatikoaren eraginak aipatzeaz gain, ekonomia berdearen hipokrisian arakatu dute. Berritasun gisa, Mikel Izturietaren Fridays For Future mugimenduko ordezkari ohiaren bakarkako elkarrizketa gehitu dute, gainera.

Bi abiapuntu ideologiko kontrajarritatik egindako saioak dira, baina —zutabe berean sartuta— balio dute ondorio bateratu baterako: arazoaren dimentsioak ukatzetik, aurre egiteko egin behar diren aldaketen erradikaltasunaz eztabaidatzera igaro gara. Bada aldaketa hori bera ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Ibarruri oso harro sentitu zen beti bere euskal erroez»

Amaia Igartua Aristondo

Dolores Ibarruri 'Pasionaria'-ren biografia bat argitaratu berri du, haren artxibo pertsonalean oinarritutakoa: 'No pasarán'. XX. mendearen zati handi bat zeharkatzen du bizkaitarraren bizitzak.
Andres Urrutia euskaltzainburua eta Gaizka Aranguren kazetaria, <em>Ezina ekinez egina</em> saioan. ©BERRIA

Euskararen historiari buruzko saioa gaur ETB1en: 'Ezina ekinez egina'

Enekoitz Telleria Sarriegi

Gaizka Arangurenek aurkeztuko du. EITBk bat egingo du Euskararen Nazioarteko Egunarekin

EPICA ikerketan 2.872 metroko sakoneratik ateratako izotz lagina, 2002-2003an. ©LAURENT AUGUSTIN/CNRS PHOTOTHQUE

Izotzik zaharrena nahi dute

Jakes Goikoetxea

Beyond EPICA ikerketa proiektua Antartikan lanean ari da, izotza zulatu eta duela 1,5 milioi urtera arteko izotz lagina ateratzeko. Laginari esker, klimaren bilakaera ezagut dezakete.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.