Albistea entzun

EKOGRAFIAK

Plazeraren bila

Amaia Garcia -

2022ko apirilak 21

Plazeraren inguruan hitz egiten denean, askotan jakin gabe egiten da. Emakumeen plazera tabua izan da askotan, eta oraindik ere, espazio publikoan zaila da horren inguruan hitz egitea. Azken urteetan, zineman, literaturan eta musikan emakume gehiago ikusten ditugu beraien plazeraz hitz egiten, baina oraindik asko egiteke dago. Tabu horren aurka egin nahi du The Principles of Pleasure telesail dokumentalak (Netflix). Hiru kapituluetan emakumeen sexualitatea aztertzen da hainbat ikuspuntutatik.

Asteartean esan nuen bezala, Netflixekin krisian nago. Plataforma horretara iristen diren berritasunek interes gutxi pizten didatela esan nuen, baina oraingoan mundu guztiari gomendatu nahi diodan telesail dokumentala aurkitu dut. Gure gorputza maitatzeko eta plazera sentitzeko dugun gaitasuna pizten duen dokumentala delako. Dokumentalean adituen ahotsak jasotzen dira, eta guztiak emakumeak izatea azpimarratzeko eta txalotzeko ekintza da. Horrez gain, beraien sexualitatea nola bizi duten kontatzen dute hainbat emakumek. Andre heterosexual, bisexual, lesbiana, transexual edota ez bitarrekin hitz egin dute lan horretan. Horrek plazeraren eta sexuaren ikuspuntu ezberdinak erakusten ditu.

Gai anitz jorratzen dira hiru kapituluetan, baina nabarmentzekoa da zein argi azaltzen duten emakumeek plazer askea izateko eduki dugun askatasun falta. Emakumeok orgasmo bat izateko dauzkagun zailtasunak azaltzen dira, eta estatistikek diote emakume batzuek inoiz ez dutela izan orgasmo bat. Adierazgarria da ere emakume askok sexuarekin arazoak izan ditugula. Esperientzia deseroso edo traumatikoren bat jasan dutela aitortzen dute dokumentaleko emakume gehienek. Sexua izaterakoan ezetz esateko beldurrez utzi egin direnak, presio sozial edo estetikoengatik beraien gorputza desiragarri sentitu ez diren emakumeak, eta bestelako erasoak jasan dituztenak.

Dokumental horrek emakumeen gorputza zentroan jarri nahi du. Aditu gehienek argi dute emakumeek orgasmo gehiago izango bagenitu, gure osasun arazo batzuk gutxituko liratekeela. Horretarako ikerkuntza gehiago beharko genituzke, baina momentuz traba asko jartzen ari dira ikerkuntza zentro askotatik. Bitartean, emakumeek gure plazerarekin esperimentatzen jarraitu beharko dugu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Geu elkartearen herri bazkaria, atzo, Landatxon. ©RAUL BOGAJO / FOKU

Loratzen jarraitzeko

Edurne Begiristain

Geu elkartearen 30. urtemuga ospatzeko, egun osoko jaia egin dute Gasteizen. Elkarteko kideen ustez, «mugarri» bat ezarri da euskarak hiriburuan dituen erronkei heltzeko.
 ©OSKAR MATXIN EDESA / FOKU

«Dena dut gogoan: iruditzen zait italiarrak ikusten ari naizela zubitik etortzen»

Amaia Igartua Aristondo

Ederto gogoratzen ditu Basabek 1936ko gerran eta frankismoan bizi izandakoak: hegazkin bonbardatzaileak, italiarrak, beldurra eta gosea; egur eta ikatz bila joan behar izatea txikitan, amari ezer ez faltatzeko. «Bizitza osoan eraman behar da hori».
Josette Dacosta margolariak mihiseak lurrean jarrita margotzen du. ©GUIILAUME FAUVEAU

Teklen bitartez emandako pintzelkadak

Ane Insausti Barandiaran

Adimen artifizialaren bidez, posible da ordenagailuari agindu bat eman eta hark obra bat sortzea. Hori artea ote den zalantzan jarri izan du, ordea, jendeak; hala gertatu da, adibidez, Coloradoko arte lehiaketa batean. Artista eta ikertzaileek esan dute pieza bat sortzea, fisikoki ez bada ere, artea egitea dela.

 ©BERRIA

Hamaikak telebista adimendunetarako bere aplikazioa estreinatu du

Enekoitz Telleria Sarriegi

Hamaikaren digitalizazioan «beste jauzi bat» da aplikazioa. Ostiralean jarri zuten eskuragarri

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...