Albistea entzun

EKOGRAFIAK

Igandea zertarako

Lander Arretxea -

2022ko maiatzak 4

Igande arratsalde ajetsuak zer ote diren, asteburuaren amaiera, edo kontrara, datorren aste gogorraren hasiera. Horra galdera. Zer hautatzen den, halako helburuen zerbitzura jartzen dugu zazpigarren eguna. Asteburua zukutu nahi bada, mendi buelta, bazkaria, kontzertua eta kontzertu osteko trago parea daude menuan. Aste hasieraren usaina antzemanez gero, aldiz: sofa, manta eta —litekeena da— etxeko atariraino baten batek bizikletan ekarritako jaki koipetsuak. Horri guztiari laguntzeko osagai perfektua da telebista, zer esanik ez pentsatzeko ahalegin handirik eskatzen ez duen zerbait ikusteko bada.

Buruari lan handirik eman nahi ez zaionean, nostalgia da formula eraginkorrena. Horregatik jotzen dugu askok jada lauzpabost aldiz ikusi ditugun edukietara. Marvel, Pixar, Disney... Joan den igandean, Toy Story ikusten hasi nintzen ni. Gozagarria izan zen mantapeko ikustaldia, baina, batez ere, animazioen kalitateak eman zidan atentzioa. Hogei urte baino gehiago igaro direnez gero, ez luke inor harritu behar, baina orduan hiperrealistak ziruditen efektuek bideo joko bat dirudite orain. Are, egiantzekotasunean zenbait pauso harago iritsi diren bideo jokoak badira jada, eta ez gutxi. Begia azkar ohitzen da 3Daren aurrerapenetara.

Burua ez erabiltzeaz ere neka daiteke bat, ordea. Joko eta jostailuen mundutik atera gabe, Netflixen Trivial Quest probatzea otu zitzaidan gero. Koloreka multzokatutako galdera-erantzunetan oinarritutako betiko mahai-jolasa da, baina fitxak izaki bizidun bilakatuz, hala moduzko istorio epikoaren traza hartzen duena. Jokalariaren aukerak ohikoak dira, ordea: galdera ikusi eta hainbat aukeraren artean bat hautatzea. Atalkako garapenik ere apenas antzeman nuen, hiru osatu banituen ere.

Formatuak nolabaiteko arrakasta erdietsi du, baina berrikeriakagatik ez bada, zaila da ulertzen nola. Azken finean, eta Netflixen katalogoan badago ere, Trivial Quest horixe baita: animazioetan oinarritutako bideo joko sinplea. Eta bideo jokoen artean dagoen mailarekin alderatuta, oso baliabide eta konplexutasun eskasekoa, gainera. Sakelako telefonoetan izan ditzakegun jolasen antz handiagoa du. Telebista interaktiboak irudimen eta baliabide gehiago beharko ditu gure igande arratsaldeak bereganatu nahi baditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Martxelo Otamendi (Berria), Jose Miguel Santamaria (El Correo), Iñaki Soto (Gara) eta David Taberna (El Diario Vasco) ©Kazetarien Euskal Ekargoa

‘El Correo’, ‘El Diario Vasco’, ‘Gara’ eta BERRIAko zuzendariek kazetaritza goratu dute

Urtzi Urkizu

Lau egunkari horietako zuzendariak Guardian (Araba) elkartu dira, Kazetarien Euskal Elkargoak gonbidatuta.

 ©MAIALEN ANDRES / FOKU

«Uliak aukerak ditu jende guztiarentzat»

Jakes Goikoetxea

Donostiako Ulia mendiko interpretazio zentroak hamar urte beteko ditu uztailean. Ezezaguna da oraindik ere donostiar askorentzat, baina jendea gero eta gehiago joaten dela uste du Orkolagak.
Anubis zaldi arabiarra, aurtengo edertasun lehiaketa batean. Lau aldiz gailendu da azken hiru hilabeteotan Galizian jokatutako txapelketetan. ©BERRIA

Abarizketako zaldi arabiarra

Enekoitz Telleria Sarriegi

Aritz Aranburu beasaindarraren Anubis zaldiak hainbat edertasun sari irabazi ditu. Abarizketa baserrian zaindu eta aterpetzen dute. Arraza bereko beste lau zaldi ere badituzte han.

Bronce

Enrique Maia Iruñeko peñen pankarten erdigunean

Iker Tubia

Karrika «berreskuratzeko» eta eraso sexistarik ez onartzeko dei egin du Iruñeko Peñen Federazioak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.