Albistea entzun

IRLEN SAREA

Superfollowerrak

Gorka Julio -

2021eko otsailak 27

Twitter esfera publikoaren zati batean bilakatu dela zalantzan jartzen duen gutxi dago. Ez da jendartearen isla, baina ez da kasualitatea pertsonaia publiko askok bertan komunikatuak egitea, adibidez. Horregatik bada ere, garrantzitsuak dira aplikazioan gertatzen diren aldaketak. Datozenak handiak dirudite.

Ez dugu ahaztu behar Twitter negozio bat dela, Interneteko sare sozial bat. Beste sare sozial askok bezala, dirua publizitatetik jasotzen du. Hau da, bere erabiltzaileek sortutako edukia kontutan hartuta, erabiltzaile horiek egiten duten erabilera, jarraitzen dituzten pertsonak eta edukiak aztertuz, iragarkiak jarri eta iragarleek ordaintzen dute plataforma.

Badirudi, hemendik aurrera superfollower edo superjarraitzaile egiteko aukera eskaini nahi duela plataformak. Zenbait erabiltzailek, beren jarraitzaileri eduki berezitua eskaintzeagatik, albiste buletin bat jasotzeagatik edota babesa adierazteko iruditxo bat emateagatik dirua jasotzeko aukera izango dute.

Ez da erabaki hori hartzen duen lehen plataforma, ezta arrakastaz dohaintzak jasotzeko bidea eskaintzen duen lehen tresna ere; ezagunenetarikoa Patreon da. Horregatik, merkantilizazio mota horrek sortzen dutena aurreikusi dezakegu.

Plataforman irekian eskaintzen den edukiaren kalitatea jaitsi dezake. Ez da berdina edukia berariaz Twitterrerako sortzea kontzienteki —profesional moduan— edo nolabait eduki ona sortzea erabiltzaile arrunt moduan. Lehenengoentzako interesgarria izan daiteke neurria, baina askotan gertatzen da bigarrenak ere, lehen irekian eskaintzen zituzten edukiak merkantilizatu nahia, eta, beraz, irekian ez direla eskainiko.

Eduki sortzaileei ordaindu behar zaion edo ez, eztabaidan ere sakontzen du eta interesgarria da, baldin eta aukera ematen badute irekian eskaintzen dena murriztu gabe, egileari dohaintza bat eginda edo egiten duen lana mantentzeko zuzenean ordainduz. Ohitzen ari gara harpidetza digitalak ordaintzera; euskal herritarren gehiengoak du ikus-entzunezkoen alorrean, behintzat, horrelako bat. Ohituko ahal gara zuzenean eduki sortzaileei ere ordaintzera?

Hala ere, ezin ahaztu, beste esfera baten merkantilizazioan sakontzea dela hori, eta norbaitek ordaindu beharko baligu, Twitter litzatekeela. Ez bakarrik batzuri: denori.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Alaitz Saizar eta Emory. ©ALAITZ SAIZAR

«Homosexuala izatea immorala da Malawin»

Jone Arruabarrena

Malawin zegoela, Emory 23 urteko gaztearen kasuaren berri izan zuen Saizarrek. Lesbiana izateagatik kale gorrian geratu zen Emory, eta kanpaina bat abiatu dute orain biek, LGTBIQ+ kolektiboaren alde.
Formigalgo estazioa urtarrilean, hutsik. Egoeraren ondorioz, ezin izan dute ireki. ©EFE

Larra-Belagua, pozik; gainerakoak, ez

Zihara Jainaga Larrinaga

Pandemiaren ondorioz ezarritako neurriek erabat baldintzatu dute eski denboraldia. Bisitarien faltan, estazio askok ezin izan dituzte ateak ireki. Larra-Belaguan txanponaren beste aldea ezagutu dute: inoiz baino nafar gehiago ibili dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.